زوجي وافق بس انا خايفه

انا الحمدلله رشيقه ومحافظه على اشياء كثيره في جسمي ماعدا حاجه وحده متراكمه من سنين
تحت السره في البطن عندي كتله من الشحم الجامد اللي ماينزل حتى بالرياضه وعندي اطفال والحمدلله ونويت اسوي عمليه لشيل هذا الدهن وشد منطقة البطن
انا قصيره ووزني 55
كل شي حلو ماعدا لما البس ضيق تبين هذي البطن وعند الانحناءات
وزوجي كان رافض لكن لما صديقه قال له سويها لها في مستشفى حكومي بالجامعه وتراه شاطر
قال موافق طالما ببلاش سوي اللي تبغيه
قلت ماابغى العب في نفسي والحمدلله مو ناقصني شي
بس بطني
ودورت في النت على صور وفيديوهات العمليه ووجدتها سهله جدا وماتاخذ وقت وبس تلبسي بعدها مشد وتتحركي عادي
مجرد يشيلو الدهن ويشدو الجلد لتحت ويقطعو الجلد الزايد وخلاص
بس المشكله يبغالها تخدير عام وانا عمري ماتخدرت تخدير عام
ثانيا مااعرف الاالام اللي بعد العمليه توصل لأي حد وكم يوم اتالم بعد العمليه
والخط الرفيع او الندبه اللي تبقى بعد العمليه بايش ممكن اخفيها
وبصراحه يابنات الندبه ارحم بكثير من منظر الدهون المتراكمه
لاني شفت صور كثير والندبه مجرد خط رفيع جدا فوق العانه مستعده اعيش معاه عادي
بس اللي سوتها تقول لي بالله كيف شعورها بعد العمليه وايش اللي اتضررت منه وتعبها ؟؟
وهل هي فكره سديده اسويها عند جراح شاطر لكن في الحكومي ؟؟ اخاف يخربها لي لاني ماسويتها في عيادته وبفلوس
واصلا هي عادة بكم يسووها في الخاص؟؟