يختي لكم شهرين ليه السكووووت شكله يحب السوالف يختي فكيها لاتقولين استحي شوفيه مسافر مع خوياه لو انك صايره معاه زي ميبي مكان سافر اصلا وانتو توكم
الله يستر عليك ويوفقك خفي ثقل وخلك سويلفيه لااااااااايطفش

وانا عندي نفس مشكلتك تقريبا واحس زوجي يمل مني بعض الاحيان
بس الحمد الله مانيب مكبره الموضوع لانه هذا طبعي وانا مرتاحه كذا
بس احاول افكر شلون اتسلى معاه مثلا اجهز شبسات وفطاير او من بره ناتشوز اي شي ونتفرج فلم او مسرحيه او شريط زواجنا او ملكتنا او اسوي له مساج او اروشه واسوي له حمام مغربي ونليف بعض او بالمغرب سوي قهوه او شاهي وحلا واقعدي سولفي معه مب معقوله ماعندك اي سالفه انا بعض الاحيان استلمه اساله اسم انها سالفه وتظيعه وقت وسالفه تجر سالفه اساليه وش حاب يسمي عيالكم مثلا
حبيبتي خلك طبيعيه وعلى راحتك امسكي يده والعبي بشعر يده مثلا او اطلععو كفي مطعم مول اي شي تراها فرصه قبل ما تحملين وعيال وازعاج وان شاء الله شوي شوي وتتاكدين انه مافي شي يخوف والامور سالكه باذن الله
وفكري تفكير ايجابي وابعدي عنك الوساوس والتفكير السلبي وهذا اهم اهم اهم شي
وبالتوفيق يا رب

احلا شي الحين مدامه مسافر انك ترسلين رسايل انك مشتاقتله وانك تحبينه
واذا جاء اكشخي والبسي وغير شوي بشكلك والبسي قميص جديد
الله يوفقك

بااين عليك انك انسانه خجوله وهذا طبعك
الحل انك تختلطي بناس جارتك اهلك قريباتك اسمعي سواليفهم وتتناقشي معاهم
واقري مواضيع بالمنتدياات بكذا تتعودي علا الكلام وتجيي سواليف من عندك
والله يسعدك

لااله الا الله محمد رسول الله