مااحب المقدمات راح ادخل على طول بالموضوع سويت اكله من اختراعي:tongue: وطلعت الحمدلله مضبوطه وحلوه وراح اسميها بشاميل التونه:love: والمقادير لصينيه متوسطه
المقادير حقت الحشو :.
بطاطس مقشره ومغسوله ومسلوقه
تونه انا استخدمت 3 علب صغيره ومصفى منها الزيت
طماطم مقشر ربع العلبه
بقدونس مفروم
المقادير حقت البهارات:.
بهارات مشكله
صوص صويا حلوه
زنجبيل مع ثوم مهروس انا استخدم الجاهز الي في بنده
ملح
زيت
المقادير حقت الباشميل:.
طحين
حليب جاف
شويه مويه
الطريقه :.
نسلق البطاطس في ماء حار حتى تلين ويسهل هرسها ثم نضيف لها بهارات مشكله وملح وزنجبيل
مع ثوم مهروس لاتكثرون منه عشاان لايخرب الطعم بس راس الملعقه والبهارات انا احطها بالنظر وكل وحده
حسب ماتبغى
نجي لطريقه الحشو:.
في قدر نحط شويه زيت زيتون ثم التونه ثم البهارات المشكله والملح ونحرك شوي ثم نضيف
البقدونس ونحرك ثم صوص الصويا الحلوه ثم نحط شوي من الطماطم المقشر المطحون
بس لين يصير لونه احمر خفيف لاتكثرون من الطماطم وتقدرين تحطين بداله معجون طماطم
هذا قبل الطماطم
وهذا بعد الطماطم المقشر المطحون
نجي الحين لخلطه الباشميل :.
نحط في قدر قبل مانحطه على النار ملعقتين كبار طحين واربع ملاعق كبار حليب
ونحط لها مويه ونحركها بعدين نحطها في النار ونحرك اذا ثقلت معاك طفي النار
وحطيها في الخلاط واخلطيه حتى يصير لك سايل
نبدا نجيب الصينيه ونمسحها بزيت ثم نحط طبقه من البطاطس المهروس ثم خلطه التونه ثم بطاطس مهروس مثل الطبقات وفي الاخير نحط الباشميل ولاتكثرون منه خليه خفيف عشاان يطلع لك الاكل زين:love:
وهذا بعد ماطلعتها من الفرن خليها تتحمر من فوق بس
نصيحه :.
الاكله هذي توكل حاره اذا بردت يتغير طعمها
