انصحونــــي عن تـــايلند

هلا الغالية
انا رحت تايلاند بشهر 3

بس لانه ماعندي خبرة بالماكن ..

ما عجبني ولاشي للتجارة ..

وكل ما سالت هناك مايفهمون انجليزي الا بسيط ..

ممكن اللي يقولن عنه مشهور بتايلاند ..

تقليد الساعات والشنط درجة اولى بتلقينه عند محل فريدة علي .. بشارع غريس ..شارع العرب ..
بالنسبة للساعات
ويتراوح سعرهن ب150 _ 300 درهم ..
وممكن تبيعينهن باسعار فوق ال500 درهم .. لانهم مطلوبات وايد .. بس لاتاخذين كمية كبيرة اخاف تطيح بجبدج .. ونوعي بالذوق لان فيه ناس يحبون الدفش .. وناس يحبون الناعم ..


اما الشنط انا ما اقتنعت الا بكم شنطة اللي ما شفتهم بسوق نايف ..
اخذت منهم .

اما الباقي صح درجة اولى بس مملين من كثر ما شفتيهم ..

وممكن تاخذين السيديات بس بصرحة كل اللي اخذتهم بنفس السعر اللي عندنا ... ب10 دراهم للسي دي
وبس الله يوفقج .. يارب
وحاولي تاخذين اماكن لبيع الجملة ممكن تكون ارخص ..
اي استفسار ثاني انا حاضرة بس على الخاص ..


نسيت باحذرج من شي

مرتين يركضون وراي كلاب .. بغو ينتفوني .. مانسى والله خرعتي منهم .. يمكن لاني بعباية ..وكل شي اسود باسود ..
اهم شي يقولون اذا لحقج كلب لاتشردين وقفي .. بس انا ما اقدر ..الا اصرخ بعد ..

هلا والله رحت تايلاند مرتين .... في وايد اشياء مثلا ملابس اطفال
مكياج ماركات تقليد وساعات صابون ومنظفات للوجه ..
الله يوفقج .. واتمنى لج رحلة سعيدة وتجارة رابحة ان شاء الله
واذا محتاجة مساعدة انا حاضرة

في وايد اشياء تقدرين تشترينهم وتبعينهم مثلا روحي السوق الصيني واشتري اشياء بالجملة مثل شباصات الشعر والحلك وشموع ونعول للبيت واغراض كثيرة بس كلة طرشية شحن عن يطلع وزن وايد

للاسف ما قد رحتلها يالغالية

في تايلاند سوق من الصبح الى الليل ومنشر على طول الطريق مثلا بجنب ( فندق اماري وتر جيت)شارع عن يمينه وشماله اسواق شعبيه ويمتد على طول الشوارع وبجنب اي مركز كذلك المهم ... مثلا البضائع الاطفال شنط للمدارس وشنط اكسسوارات للبنات الصغار + احذيه للبيت عليها رسوم ديزني + اكسسوارات للبنات مثلا محلات كليرز يجنن + والعاب للاولاد ... كذلك نعله صندل شيك انا خذت واحد 100 بات يعني 10 دراهم اماراتي الحين تقريبا سنه وما صار عليه شي ولا نقطع وشكله جديد والوانه حلوة و جلد وخذت نعله للبيت خفيفه ما اختربت ... اممممممممم بعد تي شيرت للرياضه وتقدرين تاخذين اغراض للبيت تحف او ابجورات غريبه او اواني ملاعق وشوك وسكاكين عليه بروشات مثل برتقال وتفاح ....
بعد اكسسوارات التليفون واذكر في مركز كبير اسمه( طوكيو) رائع بس شوي اغلى عن الاسواق الشعبيه وفي مركز( وورد تريد سنتر) تلاقين فيهم قمصان + ثياب نوم وبعد في سوق مجوهرات رخيص مقارنتا بدبي وفي اقمشه حرير وانواع اخرى بعد راقيه جدا وغريبه بعد ... ولا تنسين العود والدهن عود في شارع العرب ...
وبعد في مركز كبير ايبيع شنط ومحافظ انا وايد استانست على المحافظ جلد وماركات راقيه والوان اجنن بصراحه ...

انصحك اول تلفين السوق كله وادون الاغراض الغريبه والراقيه واسعارهم ادونينهم في نوته وبعدين تستخيرين شو تاخذين ولا تسين تاخذين عناوين التجار علشان تراسلينهم بعد ..

الغاليه انا مجرد زائره لتلايلاند وكانت اول مره ( لا تاجره ولا هم يحزنون) بس استانست عليها لانها شعبيه والاكل شعبي والله يعينج على الحر هناك ... وان شاء الله افدتك ...