بين الحاضر والماضي !!!!!!!!!!!

الله اْكبر على زمان مضى !!زمن جداتنا واْجدادنا !!
وكيف كانت البساطه طابعا "مميزاا لحياتهم !!وكيف كانو يتبادلون الزيارات مع بعضهم دون اْي تكاليف تلحق ذلك الاْجتماع !!كانت بيوتهم صغيره ؟؟لكن قلوبهم كبيره !!عامره بحب اْهلها وجيرانها واْقاربها!!لله درك يازمن مضى !في ذلك البيت الصغير تقام الولاْم بل والاْعراس فيجتمع الناس في ذلك المنزل الصغير فيفرح الصغير قبل الكبير !!فالرجال هم اْول من ياْكل من تلك الوليمه ثم بعد الحريم والوليمه غير متكلف بها الميسور يجتمعون عليه وياْكلونه بل ويفرحون بذلك لانقد ولا اْستنكار !ولاتجدين احد متضايق "فعلا الضيق في النفس ! والحريم عندما تسير على قريباتها لانجد تكلف فقط شاهي وقهوه ويعتبر عز لما الوحده تقدم فاكهه !!بهذه البساطه تتكرر الزيارات فيما بينهم ولا يحتاجون لموعد للقيام بالزياره مجرد الباب يطرق تجد صاحبة الدار تهلي وترحب بالضيف !
ولننظر الى بساطة لباسهم تجد الواحده منهم تكرف الثوب من كثرة اللبس ولا اْحد ينقد عليها !!:)
وياسهل حضور المناسبات الثوب موجود في الدولاب من سنين !!
ودائما تجدين هذا ينام عند اْقاربه وخصوصا لما يجي من الديره !!وبالرغم مافيه فرش ولا اغطيه لكن شعارهم ان ماشالتك الارض عيوني تشيلك !!
وكانت الوحده لما تدري اْن عند احد يقرب لها عزيمه تفزع لها وتساعدها في الطبخ !!لا والنفس ولا اْحسن منها علىقولتهم سن يضحك :42:
وحريم اول من الفجر تلقاها قايمه تقرص الخبز وتحلب البقره وتسف السفره من جذوع النخل والنايلون وتخيط البيزه وتبيعها وتستفيد من ثمنها !!
والظهر تطبخ غداهاوقدتكون ساكنه مع حموله فتخدم بنفس زينه !!تكنس وتغسل المواعين والعصر تطلع للنخل تساعد الرجال "اما اهلها او زوجها "
وباليل ترقى للسطح وترشه مويه على شاءن يبرد ثم تفرش الفرش !!عاد من شدة التعب ماتسمع الا شخررريها !!!!
واذا ولد احد عندهم يقهونه قهوه وشاهي وكراث ويطلعونها ملابس او خمسين ريال !!
ااااااااماالحاضر :( :(
يتميز بالتكلف في كل شىْ فالبيوت كبيره اْصبح الناس يعيشون في الفلل والقصور ويبذلون المال الكثير لتزيينها !!لكن لاتقام فيها الولاْم ""بحجة اْخسر دم قلبي وهم يجون هم وبزرانهم ويحوسون علينا !!الحمد لله الاْستراحات موجوده والقصور خذ وخل من كثرتها !
البيوت كبرت والقلوب كبرت
والحين مافيه احد تر وح له بدون موعد وان طقيت الباب تلاقي هالتكشيره وعلامات التعجب على اهلها
وش الي جابهم ؟؟وش عندهم ؟ فيه شىْ اْسمه تلفون الله من الهمجيه ؟؟
واْذا فيه عزيمة زواج اواجتماع شف التكلف ا للبس واللف والدوران في الاْسواق وروحة المشاغل لتصفيف الشعر وعمل المكياج !!والله ودك الواحد يعتذر احسن له من هالتعب ؟؟
ولو كان الواحد بسيط ولا يحب هالدوخه خذ وخل من التريقه والنقد عليه ؟؟:وش يضرها لو زينت نفسها عند المشغل !الله من البخل فيها "
لا والاْطفال ممنوع اْصطحابهم ؟؟اجل الي ماعنده احد يضف عياله وش يسوي ؟؟
والولاْم بوفيهات من اْرقى المطاعم وحلويات "والعروس زفه وكوشه بالاْلاف !!لا وتطلع الناس من الزواج وهي تذم ؟؟ كل هالحط ولاهب راضيه اصلا رضا الناس غايه لاتدرك ""
والي يجي من مكان بعيد يستاجر له فندق اريح له لاْن النفوس ضاقت وماتتحمل احد
والواحد ماعاد وده ينادي احد لبيته لاْنه لازم يتكلف عشاء من برا ومقبلات وحلويات للقهوه والعشاء وياريته يرضيهم !!
والتكنولوجيا كيف علمتنا الكسل مشاهدة التلفاز ولعب السوني والجوال وما ادراك عن اخطاره !!الله يرحم ايام اول اذا بغى الواحد ينادي احد يروح له مشى علشان يبلغه الدعوه بنفسه كل شى كان جسدي ومفيد للجسم كرياضه والحين خطوتين مانروح لها الا بسياره لا لو تمشي ماتدري الا الليموزين يلاحقك بيستفيد منك بتوصيله لك ؟؟
واذا جاء عزيمه عند احد ماعاد فيه فزعه الشغالات مايقصرن ؟واذا ولد احد اسراف في انواع الحلى والفطائر والهديه فوق الخمس مئه
وخلاص ماعاد ودي اطول عليكم "