الله يعجل بشفاءك ياارب

هذا الموضوع نقلته لك من منتدى ثاني ان شاء الله يفيدك


السلام عليكم ورحمة الله وبركاته

أنا سجلت في هذا المنتدى عشان أحكي قصة معاناتي لـ 3 شهور من مرض جلدي تناسلي اسمه الثآليل التناسلية ...

ولكثرة ما أتعبني وكاد يهز علاقتي مع زوجي أخذت عهد على نفسي إذا ربي شفاني أنشر تجربتي في كل موقع نسائي قد ما أقدر عشان ما يصير لغيري زي ما صارلي ...

ماهو المرض ؟؟
أول شي المرض : هو نتوءات في الجلد عند المنطقة التناسلية (في أي مكان عند فتحة الشرجة أو المهبل )..
وعندما تنمو بكثرة قد تمتد إلى داخل فتحة المهبل وتسبب سرطان عنق الرحم ...لاسمح الله ...
النتوءات يبدأ حجمها من رأس الدبوس .. إلى حجم طابع البريد !! وتكون بارزة .. ولونها أحمر و أحياناً تكون على شكل زوائد جلدية خاصة في منطقةالشرج ...
ماهي الأسباب ؟؟
الأسباب : التلامس بواسطة الجنس !!

ماهو العلاج ؟؟
العلاج :
الكي بالتبريد
الكي الكهربائي
الليزر
كريمات حارقة

العلاجات العشبية :
تقدرون ترجعون لها في كتاب د جابر القحطاني ..

المهم ..
حكايتي :
أنا كنت مسوية عملية قبل 3 شهور ..
وجلست عند اهلي اسبوعين ..
البداية :
في اخر يوم طلعتلي حبوب صغيرة في منطقة حد البكيني ..
حكيتها وطلع منها دم ..
وكان عندي تسلخ من بعد ما طلعت من المستشفى ..
رحت عند اخصائية في مستوصف .. عطتني كريم وقالت هذي حبوب عادية استخدمي المرهم للتسلخ ونشوف ...

وراح التسلخ و ظلت الحبوب (صغيرة جدا حمراء وعلى قد راس الدبوس ، بارزة شوي ، و جنب بعض ، 6 يمكن )...


المهم و مر حوالي اسبوعين ..
فجأة حسيت بنتوء كبيرررررر مكان هذي الحبوب ..
خفت ورجعت للدكتورة ..
وقالتلي هذا ثالول تناسلي ..
لازم نكويه بسرعه ..
وما رح يروح من جلسة والا اثنين .. احيانا من 7 -12 جلسة !!!
((سعر الجلسة = 300 ريال )) حتى لو كان عندك حبة وحدة بس ...
قلتلها من وين جاني يا دكتوره ؟؟
قالت زوجك ما عنده ؟؟
قلتلها لا
قالت ما يجي غير من الجنس زوجك عنده علاقات ؟؟يسافر كثير ؟؟
قلتلها لا ...
قالت اجل يمكن من الحمامات وقالتها بأسلوب إنه تراك هبلة يعني ..
وقالت كمان لا تعلمين زوجك ..يتقرف !!!!

المهم كوت لي ياها ...
ورجعت البيت ولا علمت زوجي ..
من بكرا طلعتلي 4 غيرها ..
ولا علمت زوجي ..
وسويت عندها 3 جلسات ..
وبعد كل جلسة تطلعلي حبوب جديدة ..
حتى امتدت عند فتحة الشرج الله يعزكم .. والمهبل كمان ....

لا حول ولا قوة إلا بالله ..

ورحت مستشفى كبير ..بالرياض ..
وقابلت استشارية ..
فحصتني وقالت انتي كمان عندك ثواليل خطيرة ( مثل شكل القرنبيط ) مو عادية ..
وتحتاجين جلسات كثير ..
وبدأت أول جلسة ...
و جلست تكوي حوالي نص ساعة و أزود ..
و الله يعزكم حتى المهبل تفتحه وتحاول تكوي اللي على الوجه وتتأكد أنه ما فيني شي جوا ...
(لأنه يسبب سرطان عنق الرحم لا سمح الله )

بعد ما خلصت ...
عطتني 3 تعليمات مهمة وبديهية :
1-امتنعي عن الجماع عشان ما تعدين زوجك .
2-لازم زوجك يفحص لأنه لو فيه حبه وحدة صغيرة ممكن تتضخم ويصير حاله أسوء منك .
3-زيارة دكتورة نسائية عشان تتأكد انه ما فيه سرطان رحم ..

حسبي الله ونعم الوكيل على الأخصائية الأولى عديت زوجي و انا ما ادري قال يتقرف قال !!!!!!!!وحتى فحص عنق الرحم ما قالتلي عنه !!!!!!!!!

يوم علمت زوجي :
هذا شي خطير وقررت أعلمه من غير ما أوريه شي ...
وزعل وقال مارح أفحص ....انتي موسوسه و و و و و و .............
وبدأ يسألني وش السبب ؟؟
ماقلتله انه الدكتورة قالت من الجنس و اني دورت بكل مواقع النت العربية والانجليزيه ولقيت انه ما يجي غير بالجنس والعلاقات المحرمة ..
ولو تحطون كلمة (genital warts) في قوووقل الصور حتشوفو شكلها كيف ...يخوف ...

المهم وتمر الجلسات ..
جلسة بعد جلسة ..
ووالحمد لله كنت مرة أتحسن ..
إلين ما بدؤوا يطيحون وحدة ورا الثانية ...

بس المشكلة كلما طاح شي طلعلي في أماكن ثانية بس أصغر ...

الألم النفسي :
تخيلوووو :
كل 5 أيام ..
تكشفين عورتك ..
قدام طبيبة وممرضة جديدة ..
وتجلسين جلسة محرجة ..
وتجيك آلااااااااام ما بعدها آلام ..(لدرجة مرات بعد الكوي ما اقدر أمشي !!)
و تدفعين 300 ريال ....

لما خفت علي الثواليل ..
خفصتلي لين ما وصلت 150 ريال ...

وبعدها جلست ابكيييييييييييي عند الطبيبة ..
وقلتلها ما اقدر اكمل ..
تعبت نفسيتي .. وجسمي .. و لا عندي فلوس كمان ...
قالت خلاص راح اوصفلك كريم ...
واستخدميه..
وان شاء الله فيه الشفاء ...

لما اقتنع زوجي يفحص نفسه :
في جلسة من الجلسات :
طاحو كل الحبوب اللي فيني .. وفرحت كثير ..
وبعد يوم ..
طلعتلي ثانيات ... وكبيرة ..
انتكااااااااااااااااااااااااااسة ...والحمد لله على كل حال ..
فرجعت البيت ميتة من البكاء ..
ونفسيتي
رحمني زوجي .. وكان بيسافر عنده اختبارات ..
وقال والله لا اروح افحص ..
وفحص زوجي عند دكتور بنفس المستشفى نفسه ..
ولقى حبه صغيرة .. وكواها والحمد لله ما رجعتله الحبوب ...
تخيلو بعد شهرين كاملات من معاناتي !!

والله جازاني بصبري .. لأن الدكاترة بنفسهم قالوله انها ما تجي الا بالجنس ..

أنا والشك :
((في هذا الأثناء ، ما كنت أشك بزوجي وأنتظر دليل أو اني اواجهه لا !! كنت بس ابي اعرف ردة فعله ... ))
وسألته وش قلك الطبيب من وين يجي ؟؟
قال من الجنس ..
واحتمال من المسابح ، الجاكوزي ، والمناشف حقت النوادي ...
أو انك تلبس ملابس غيرك الداخلية ...
احتمال بسيط جدا ....

ممم في وحدة من الجلسات كانت نفسيتي زفت .. وصارلي شهرين زوجي ما لمسني ..
تعرفون احساس الوحدة لمن ما تقدر تعطي زوجها شي .. اقلها اذا جتها الدورة ..
غير انها تخاف عليه من الفتنة والحرام ..او انه يصير ما يتحمس يقعد معها ..
تعرفوون وش قالتلي ؟
((احسن خلي زوجك يتأدب تلاقينه مسافر لك سفرة وجايبلك هالبلاوي ))
وكل مرة تعيد علي نفس الكلام بطريقة مختلفة ..

وانا اقول لا يا بنت زوجك عفيف .. وماعندك دليل واضح .. ولو كان هو اللي عاديني ممكن تجيه من المسبح .. لانه بدأ من فترة يستخدم مناشفهم ..
أو انه لبس ملابس واحد غيره .. (( الله يهديه كمان بدأ يسوي هالحركة من فترة ))...

آلام الأنثى النفسية :
ومرت هالشهور ...
مافيه مجال البس لزوجي ولا اسوي ليالي رومانسية ولا احاول ابدأ اي علاقة لو حتى بالنظر ..
وهو كمان نفس الشي ..
نفسيتي تعبت حييييييييييييييييييييييل ..
وفلوسنا خلصت .... 2600 ريال لي وله ..
والله وحده يعلم ..
اني كنت ما استخدم حمام اي احد .. ولا حتى ببيت اهلي .. لين ما ارجع بيتي ..
وحتى لما كان يساافر كنت انام عند اهلي واغسل ملابسي ببيتي و اعقم الحمام قبل لا اطلع وارجع بيتي 3 مرات ......

العلاج بالرقية :
اخر شي ..
بدأت استغفر ..
واقرأ على نفسي كل يوم بعد كل صلاة ...
مع استخدام الكريم ..
(الكريم تحطينه 3 ايام ثم استراحة 4 ايام ) وتكرر العملية حتى الشفاء ..

البحث عن تجارب الآخرين :
دورت على وصفات د جابر القحطاني لانه هو الموثووق ...
ودخلت مواقع كثير اشوف مشكلات نساء عانوا زي ..
(ولقيت وحدة صابها غير متزوجة أصلاً !!)

العلاج اللي اكتشفته و موثوق 100 بالمية ولقيته كمان بالمواقع الأجنبية ..
هو الثوم /لأنه يزيد مناعة البشرة ...ويقاوم البكتيريا ..
وصرت في أيام الاستراحة من العلاج أستخدمه ..
أقطعه شرايح و استخدم قطنة و احطه فوق أماكن الحبوب طول اليوم ..
(طبعا اذا رحت الحمام اغير القطنة )...

و في اوقات فراغي ادهن المنطقة بمعجون من ( زيت السمسم + الثوم + أوراق البقلة )...
(قلت لنفسي اذا ما نفعتين مارح تضرني .. لان كلها نباتات طبيعية وخصائصها علاجية و مقاومة للبكتيريا أيا كان ، و كمان مالها اي اثار جانبية )

الحمد لله كثيرا :
والحمد لله توقفت الحبوب الجديدة عن الظهور ...
واعتبر هذا نجااح بإذن الله ..
إذ كنت مع الكوي .. ويطلعلولي زيادة في كل مرة ...

الحمد لله على كل حال ..
وادعولي بالشفاء التام ...
وترجع نفسيتي وحياتي زي ما كانت ..

والله يحميكم و يحمي أزواجكم من هذا المرض .. وكل الأمراض ..
وانتبهوا لأنفسكم لا تتهاونون بأي مشكلة تصيبكم في المنطقة التناسلية ..
وروحوا لأقرب استشاري ..
ولا تاخذون على كلام الأخصائيات في المستشفيات اللي ما يهمهم غير الفلوس !!!!!!!!!!!!1

أمااااااااااااانة كلكم تقرون هذي السطوووور :
اولا تشكون بأزواجكم .. بدون أسباب ..
أنا كان عندي السبب .. ( مرض تناسلي )!!!
ومسكت نفسي ..
واستغفرت ربي .. وصرت دايم اقول لا حول ولا قوة الا بالله العلي العظيم ..
وسلمت أمري سواء زوجي خاني أو لا ..
إذا كان خاين : ربي أظهر له الحق .. و صرف من ماله .. و حرمه من جسدي ..وبذمته .. إلى يوم الدين .. اللي صابني .. مارح احلله ..
واذا كان لا : فهو ابتلاء .. ابتلاء من الله والحمد لله صبرنا ...واختبار لي ..
((والله لو حريم ثانيات الله يهديهم ما يصدقون خبر تكلمهم الدكتورة زي ما تكلمني بكل جلسة .. خربو بيتهم ))!!


الله يسعدكم يا بنات و يا أمهات ويا زوجات ..
الله يرزقكم ذرية صالحة ..
الله يحميكم ..و يحفظكم من عيون الحساد .. ومس الشياطين ..

اقرؤا الأذكار ..
اقرؤا الأذكار ..
لا أخفيكم أنني كنت أستهين بها ..
إلى أن أظهر الله لي الحق ..
وأنا مؤمنة أن شفائي لين يتم على يد الدكتورة ..او بالكريم او باستخدام الثوم ..
إلا بإذن الله وحده ..وحده فقط ...............

اختكم..
أم جوجو

انصحك تستخدمي الرقيه الشرعيه انتي وزوجك وتشربوا من زمزم وكثري من الاستغفار الله يشفيك ويرزقك الذريه الصالحه هذي نفس تسبحي بسدرهذا ليس مرض جنس اوتشك في زوجك انه ناقل لك المرض هذا يروح مع القران والتدهن بزيت الزيتون

ياودود ياودود يا ودود ياذا العرش المجيد يافعال لما تريد
اللهم يا حي يا قيوم يا ذا الجلال والإكرام أسألك باسمك الأعظم الطيب وباسمائك الحسنى
اللهم إني اسألك بملكك الذي لايرام وعزك الذي لايضام وبنورك الذي ملاء أركان عرشك العظيم أن تشفيها وتشفي زوجها
وترزقتنا وترزقهم الذريه الصاله ياكريم وترزقنا تووووووووووووام .....

دلوعه زوجها حبيبها الله يرزقك بالحمل يارب ويرزقنا كل يوم اتشطف بمرة واشربها واستخدام غسول طبي بس بجرب خل التفاح وديتول وليمون ان شاءالله تروح مني انا متفائله وضروري اكوي عشان ماتنتشر اكثر وجزاك الله خير

انا مالقيت اسم جزاك الله خير

شهد المملكه جزاك الله خير

فحم ابيض اكيد ان شاءالله بجيب زمزم جزاك الله خير

اطيب قلب انا حاسه انها جاتني من الحمامات العامه او الملابس الجديده حسبي الله ونعم الوكيل جزاك الله خير

alrasseh جزاك الله خير ياقلبي الله يسعدك

ام يوسف وابراهيم صادقه والله مافي احسن من كتاب الله جزاك الله خير

حنونه مجنونه جزاك الله خير

الله يشفيك يارب امين