السلا عليكم
صباح الخير
بقول لكم قصة تخوف <<<<<<<<<< ماتبيكم تنامون
نذلة ..........
أمزح معاكم هذا موقف حصل لي في أحد دورات المياة حقت المحطات اللي على الطريق
مرة من المراريت كنا مسافرين بالليل وعلى الساعة وحدة طلبت بيت الراحة .......قصدي الله يكرمكم دورة المياة
وأقرب محطة وقفنا عندها وكانت محطة معروفة
طبعا انا إذا جيت أنزل لازم آخذ الجوال ومناديل بس,,,,,,,, الشنطة ابلش فيها وين أحطها
و يوم جيت أنزل تثاقلت آخذ الجوال وقلت في نفسي كلها دقايق وشو له آخذه ... ما أدري وش اللي *** عقلي ذيك الليلة... ولا وحدة بنصاص الليالي تدخل دورة مياة من دون جوال !!!!!!!
طبعا زوجي توه شاري لابتوب وماهوب داري عني مبسوط ,,,,, وهو من النوع اللي يفتح لابتوب .... دي في دي في السيارة وهو يسوق ماعنده أي مشكلة و ما أدري كيف يجمعها
اللي صار يوم دخلت الله يكرمكم دورة المياة كانت من النوع اللي تكون في سور,,,,,,,,,, حوش,,,,,,,,, اللي هو…. والمشكلة جاية من ورى المصلى والسور هذا كان طرف منه الجهة اللي دخلت منها والطرف الثاني جاي من خلف المحطة يعني من جهة الظلمة
فهمتواعلي ولا أرسمه لكم
الصراحة اول ما دخلتها خفت بغيت أرجع بس قلت يابنت ماحولك ألا الرحمن لاتصيرين خوافة
المهم دخلت شيكت على الحمامات كلها لا يكون أحد متوزي هنا ولا هنا ودخلت أول واحد ……..
إلى الان كل شي سليم
يوم جيت بطلع الا الباب متقفل أحاول يمين شمال مافيه ……المشكلة اليد مافيها شي لاهي مكسور ولا شي بس عيت تفتح الباب
أقرا دعاء الحمام واحاول شديت سحبت مافيه أمل ولا حتى يهز .. هنا بديت أخاف من جد
قمت أضرب الباب بيديني ماصار شي ...........طقيت برجولي أبي زوجي يسمع الخبط ماحولك أحد لاهي بالاوتوب
عاد الشيطان فرصته الحين قام يوسوس لي ,,لايكون أحد متعمد يخرب قفل الباب ويكون يراقب ويطب علي من الجهة الثاية
اكيد لو يصير شي حتى لو أصرخ ما راح يدري عني زوجي لانه يظن أني ماخذه الجوال بعدين ماسمع خبط الباب بيسمع صراخي
عاد الحمامات من النوع المفتوح على بعضها من فوق
انا يوم أيست خذيت لي زاوية وتسمرت فيها وعيوني مبحلقة على فوق واتخيل يجي واحد هندي أسود لابس ازار أزرق وقميصة وسخ ويضحك وأسنانه صفر وعيونه حمر ويطب علي ........ وحش
وانا في حيرتي هاذي
الا أسمع واحد يمشي في السور وانا صدق اتسمر مكاني حتى النفس حبسته كله خوف لاحد يسمع صوت نفسي ويدري اني محبوسة بالحمام
وشوي الا كأني أسمع صوت رجال
حطيت يدي على فمي وجلست على الارض رجولي ما عاد قدرت تشلني وأحس الدنيا تدور فيني ودي أبكي أصارخ بس ما أقدر
وألا الصوت يابنات يقرب…… ريقي نشف خلاص أيقنت ان فيه حرامي واقول في نفسي ياربي وش بسوي وش بيصير راح أقدر أدافع عن نفسي
وأنا انتظر اللحظة اللي بيهجم علي فيها
أسمع واحد ينادي ـ ياولد ياولد ـ الصوت مهوب بغريب علي حسيت كأني في حلم مانيب مصدقة
طلع زوجي.. حس أني تأخرت ودخل يتأكد
والله ينات قمت أصارخ وأقول انا هنا أنا هنا تقفل علي الباب
قام وقالي وخري من الباب وبرفسة وحدة ما شاء الله الا الباب مهوب مفتوح الا مشلوع من مكانه
والله ماأتذكر كيف طلعت ..وكيف مشيت للسيارة ز. إلا أتذكره بس أني يوم ركبت السيارة وانا أطلع الخوف اللي قلبي كلة وأبكي وأبكي
زوجي قام يهدي شوي ويعاتب شوي ليش أني ما خذيت الجوال
جلست سنة بعدها ما أدخل حمامات المحطات أبدا
عزتي في بيتي @aazty_fy_byty
محررة فضية
يلزم عليك تسجيل الدخول أولًا لكتابة تعليق.
ام رهايف
•
ياقلبي خوفتيني
ياقلبي والله رحمتكـ الله يحفظكـ يارب من كل شر
مره ثانيهـ ياحلوهـ علقيهـ برقبتكـ ههههههـــ أمزح
مره ثانيهـ ياحلوهـ علقيهـ برقبتكـ ههههههـــ أمزح
ماشاء الله عليك والحمدلله على سلاماتك لا عاد تعوديها ههه لاتروحي لحمامات المحطات ابدا ابدا ابدا ...
(يازين البر زينها هههه)بيني وبينكم خخخ
الا اذا كانت زحمه عوايل روحه لوحدك لاتعوديها نصيحه
اعرف وحده مثل حالتك بس للاسف هي ربي ماسلمها كانت عروس ورايحين يتمشون جايين على طريق الرياض ..الله يرحم حالها ..
والف حمدلله على سلامتك مره اخرى
(يازين البر زينها هههه)بيني وبينكم خخخ
الا اذا كانت زحمه عوايل روحه لوحدك لاتعوديها نصيحه
اعرف وحده مثل حالتك بس للاسف هي ربي ماسلمها كانت عروس ورايحين يتمشون جايين على طريق الرياض ..الله يرحم حالها ..
والف حمدلله على سلامتك مره اخرى
ماشاء الله عليك والحمدلله على سلاماتك لا عاد تعوديها ههه لاتروحي لحمامات المحطات ابدا ابدا ابدا ... (يازين البر زينها هههه)بيني وبينكم خخخ الا اذا كانت زحمه عوايل روحه لوحدك لاتعوديها نصيحه اعرف وحده مثل حالتك بس للاسف هي ربي ماسلمها كانت عروس ورايحين يتمشون جايين على طريق الرياض ..الله يرحم حالها .. والف حمدلله على سلامتك مره اخرىماشاء الله عليك والحمدلله على سلاماتك لا عاد تعوديها ههه لاتروحي لحمامات المحطات ابدا ابدا ابدا...
الحمد لله على سلامتك من جد موقف يموووووووت خووووف الله يستر علينا وعلى بنات المسلمين
الصفحة الأخيرة