شوفو الغاليات ...

مره انا وزوجي واحنا بالسياره فاتحين عالراديو .. وكان الموضوع المطروح للنقاش .. في البرنامج .. عن المنتجات واشاعة قابليتها للسرطنه ..

فاتصل المذيع بالدائره المختصه في مراقبة البضائع التجاريه .. ورد عليه المسؤل ((طبعا انا اتكلم عن دولة الامارات )) المهم وصرح في حديثه

ان اغلب الاخبار اللي تنتشر في الانترنت .. تعتبر اشاعات .. وان اذا في منتج مسرطن .. على طول يعلنون عنه في الاخبار المحليه ((أخبار الامارات بالنسبه لدولة الامارات )) ويسحبونه من السوق .. لما فيه ضرر على الشارين ..

يعني يا حبيباتي مو كل شي تصدقونه .. روحو للطبيب المختص واسألو .. اذا عن البيبي اويل .. اسألوا دكتور الاطفال .. بالاضافه لدكتور الجلديه ..

اذكر مره طلعوا كلام عن الكورن فلكس انه يسبب سرطان الدماغ .. فلما سألت الدكتوره قالت لا اشاعات ..

لا تصدقون اي شي ينقال خاااااااااااااااااااااااااااااااااصه في الانترنت .. الافضل تحري الخبر .. من شخص مختص .. كطبيب .. او الاتصال بالدائره اللي مختصه في مراقبة البضائع التجاريه

اخوتي لوكان كل منتجات جونسن مسرطنه كان كل الاطفال مسرطنين مو معقوله تدخل المنتجات من غير مراقبه من وزارة الصحه والله اعلم الله يبعد عنا وعن اولادنا السرطان

اشكر كل من رد علي جوزيتم خيرايابنات

براية
انتي جربتي زيت الزيتون؟ ينفع يعني؟ فكرت فيه بس خفت ماينفع ياليت تردين علي انتي جربتيه واللا لا؟

سديدة...هو هالاستروجلايد كيف قوامه؟ ممثل ا لزيت واللا مثل الجل؟ لان اللي مثل الجل ماينفع معاي يسويلي رطوبة بعدها تبدا تطلع عندي فطريات....


سحابة البيبي اويل ماينفع تدهنين فيه جسمك حتى لو ماكان مسرطن احسه ينشف انا جربته لبنتي بالشتاء لان جسمها ناشف ومتقشر اشوفه يرطب مؤقت وبعدين يرجع ينشفه زيادة....احسن شي زيت اللوز انا كنت ادهن فيه بطني وقت الحمل بعد كل استحمام رهيب صراحة....

ام نهيان
هلا ببنت بلادي
يعني صج موب مسرطن؟ والله احترت!
وحدة تشتغل بوزارة الصحة قالت لي هو أكيد مسرطن بس ذكرت لي المواد اللي عبارة منظفات مثل الصابون والشمبوو قالت انه بالفعل مكتوب نسبة المادة المسرطنة اضغاف النسبة المسموحة و ان هالنسبة خطيرة و تؤدي للسرطان....يعني هي المادة موجودة بكل المنظفات والصوابين بمختلف الماركات بس موجودة بنسبة كبيرة بمنتجات جونسون ...
احترت والله ...

أوركيد دودي الله اعلم والله محتارة

الله يكفينا الشر