تكفووون ابغى اسالكم من وين اشتريها .. قدور الاستانل ستيل/ تعديل

حبيبتي روحي قربان .......في محلات اواني منزليه كثيرة روحي واختاري راح يعجبكي

وعندك شارع المطار جب اسواق البدر فيه محل اسمه عبد الطيف وجبوا كمان محلين

موفقه

السلام عليكم
اختي انا سويت بحث وجمعت معلومات وقررت اخد القدور التركية اللي ضغطها من 18-20 ووووووووووووووالمهم ورحت قربان وفريت المحلات كلها لحد مالقيت اللي ابغاه الهم محل في قربان جنب مفروشات صادق اسمه لولو او شي زي كده المهم ومعايا اختي و قاعدين نسال العامل عن الاسعار الا سبحان الله تجيني ست كبيرة مانت في المحل وشكلها ست بيت من الطراز الاول ومعاها بنتها قالتلي يابنتي ماانصحك بهادي القدور تراها تحرق الاكل بسرعة انا جربتها ومرة ماارتحت معاها حرقتلي الرز والمكرونة يابنتي ترا قدور التوتو هي الاحسن والاضمن وحتى الصواني خديها توتو احسن لك وسبحان الله وغيرنا راينا و اخدنا من عنده قدور توتو موبطالة و رخيصة و سبحان الله مرة ارتحت معاها حبيت انقلك تجربتي وصحيح التوتو هو اللي طول عمرهم اهلنا يستخدموه وما في احسن منه ورخيص يعني تقدري تجيبي كل الاحجام بسعر 3قدور من الستينلس ستيل بس يبغالهم من فترة لفترة تفحسيهم و يرجعو زي الفل المهم المحل كبير وله بابين اسمه لولو او شي زي كده تلاقي عنده كل الي تبغيه توتو او الستينلس ستيل

انا مدري والله لاني من الرياض
بس ان شاء الله تلاقينه

حبيبه فوفو |omhamodah|شيوخها...جزاكم الله كل خير ماقصرتواااوالله...:26:

........................