كيف اتصرف بفلوسي ؟؟؟

بسم الله الرحمن الرحيم


السلام عليكم والرحمه



ياليت تنصحوني بترتيب وضعي المادي بنصيحه لوجه الله فأنا كنت موظفه ولازلت اتقاضى راتب وعندي تجارة بالكفاله و وعندي ايجارات والله العظيم مدري كم بالشهر اجمع انا ماعرف ولا احب احسب المهم عندي علموني كم اصرف وكم اطلع زكاة وكم اتصدق وكم اعطي اهلي انا اعطي واحد من اخواني واحس شويه وصديقتي تقولي لا المبلغ كويس له ولزوجته لاتزيدي وانا اخذ برايها لانها متدينه وادفع لخدامات امي ويزيد عندي كثير لاني ماعندي صرف زوجي يصرف على كل شي بالبيت وعلى عياله طيب انا كيف ارتب اموري الماليه ارجوكم اذا وحده تقدر تفيدني وبارك الله فيكم اجمعين

ونسيت شغله يابنات المبلغ الي تجمع بالبنك يقولون لي البنك انه يزيد كل شهرلانه توفير مثل الوديعه ورب البيت مدري كم يزيد واذا حرام هل اتخلص منه ويجوز اتصدق فيه لاني سنين طويله اجمع بالبنك بدون ما اسأل والله لو ينقص 100 او 200 ألف ما ادري لاني ملخبطه وحاولت اسوي دفتر صغير احسب فيه مصاريفي وكم احط بالبنك شهر واحد وتمللت لان الفلوس تجيني كل اسبوع مو كل شهر وحساباتي ضايعه


افيدوني والله بتكسبون اجر الفقراء الي بتصدق عليهم لان الفلوس الكثيره راح ننسأل عنها يوم القيامه وهالشي يرعبني وخاصه اني غير مبذره بس مدري كيف يتصرفون بالاموال كيف يوزعونها صح ارجوكم انصحوني