مسويه ريجيم ومحتاره ايش تاكلي تعالي

السلام عليكم


نبغا نخلي هاالموضوع مفيد نفيد ونستفيد كل وحده عندها وصفة غداء واو عشا للريجيم لاتبخل

انا راح ابدا
همبرقر الريجيم

تاخذي الهبرقر وتشويه في طاو بدون زيت بس تكون تيفال وتقلبيه لحد مايستوي وتجيبي شريحة جبنه قليله الدسم وتحطيها عليها وطبعا تقطعي طماطم وخس وملعقه صغيره كاتشب وملعقه صغيره مايونيز لايت اذا حابه ماتحطيه مو مشكله وتحشيه في توست اسمر وجربته طلع لذييييييذ




المكرونه

تجيبي مكرونه سمرا وتسلقيها وبعدين تغسليها وتسوي كشنه بدون نقطة زيت وتحطي المكرونه عليها

وبهارات علشان تطلعها لذيذه طبعا ماتدهروها تاكلو ملعقتين او ثلاث والباقي سلطه



سلطة التونه

تونه مصفاه من الزيت وتقطعي معاها طماطم وخس وفليفه وتعصري عليها ليمون تطلع لذييييذه وخفيفه



الكوسه المشويه

كوسه تقطعيها شرايح رفيعه وتدهنيها بزيت زيتون وتدخليها الفرن وتخليها تستوي وتضيفيلها بهارات تطلع يمي



هاذا اللي دحين فاكرته لو تذكرت شئ برجع اكتبه :)

بصراحه انا اسوي لنفسي اكل صحي وربي شاهد بااسبوع ونص شفت الميزان تحرك كثير بس ماابغا اكتب كم الابعد مااخلص الاسبوع الثاني