انا مره تعبت وما عندي حل من عندها حل تساعدني ؟

السلام عليكم ورحمة الله وبركاته ... وبعد
اختصرلكم القصة ... انا انسحرت مدة طويلة عن الزواج مع اني فعلا كل من شافني يستغربون ليش متزوجت المهم تعالجت
وانا كنت احسب ان محد يبغاني ما كنت ادري انه من السحر حسبي الله عليها ونعم الوكيل ... المهم واول مابديت اتشافى تقدم لخطبتي واحد ابدا مو مناسب لي بس اهلي مره فرحوا .. وحسسوني انه اول عريس وآخر عريس ... وافقت
واول مكالمة بيننا كان سؤال منه لي ""
كيف قبلتي تتزوجيني انتي متعلمة وحلوة جدا وموظفة ومن عائلة مرتاح ماديا ؟
فهمته بأسلوب اني ما اهتم للماديات وان اهم شي عندي الأنسان يصلي ومحترم وبالنسبه للمال والتعليم هذه من الله
ومن فترة الملكة ارسل علي واحد على الجوال امتحني في عمري بلاتصالات والرسائل تقولون كيف عرفتي اقلكم نفس اسلوب زوجي ، وبعد الأتصال زوجي يلمحلي ان الحرمه السنعه هي الي تعلم خطيبها اذا جاها ازعاج وانا طنشته وعلمت ابوي بس
وكان كل شويه يتصل جنني حتى المدرسة اعطوني لفت نظر بسبب الجوال وحتى لو مارديت يدق يدق ما يطفش فكرت افسخ الملكة وخصوصا انه بدأ يحطمني بالكلام من تحت لتحت ودايم يسأل ليش ما تزوجتي من قبل وارد عليه رد لبق انه مافي نصيب او مو مناسبين ويرجع لنفس الموضوع يوميا حتى اول مطعم خرجت في فترة الملكة قالي نفس الموضوع اختي تقول انك كبيرة وليش ما تزوجتي آخر شي انفجرت فيه وقلتله خلاااااااااااااااص طلقني!!!!
مو معقول انا اعرف فترة الملكة غزل وحب وهدايا وانت بس تتففنن كيف تحطمني انت واهلك ؟ اهلي قالوا هذا مو قرارك هذا بسبب تأثير السحر عليك واجبروني على الزواج ..مع اني فهمتهم انه شكاك ويدقني بالكلام
وتزوجته وياليتني ما اتزوجت ... شكاك بمعنى الكلمة شفتوا مسلسل زوارة الخميس بالضبط كأنها انا .. كل ساعة يدق علي تقلون تبالغين لا كن هذه الحقيقة المرة والله العظيم ما ابالغ انه كل ساعة يدق ولو ما رديت يدق الين تطفي البطارية ومره رديت قلتله انا نايمه انت رحت من العمل وشفتني دخلت نمت صار يأقت وعرف موعد صحيتي من النوم وفعلا ما تجي الساعة 6 المغرب الا بدأ الجوال يدق وطبعن اطمنه واقله ايه صحيت واحيانا ازور امي وهو عارف اني عند امي وموصلني بنفسه يرجع يدق صرت اطنش يدق على التلفون الثابت واذا مارديت يتصل على جوال امي جنني
وعلى هذا الحال تعبت مررره فكرت مره وقلت خلاص معد اخرج واشوف يوم يجوني ناس يسوي نفس الطريقة وفعلا
جات جارتي بهذلني بالأتصال واذا مارديت يزيد والجاره استغربت ويوم رديت يسألني جات قلتله ايوه بعد ساعة يتصل راحت اقله لا بعد نص ساعه يتص متى بتروح وبعد ربع ساعه يتصل بتسوين عشا او اجيب من برى المهم لبست الحرمة عباتها وراحت لبيتها لأنها حست الوضع غريب كلمته بهدوء وصراحة وفهمته وقلتله ترى الناس معد بيجون يحسبون انت متضايق ولكن لا حياة لمن تنادى نفس الحال اذا رحت السوق مع اخواتي يدق وانا البس العباية وانا في السيارة وزانا داخل السوق وكل نصف ساعة الين ما طفشوا اخواتي مني ؟؟ وانا ما اركز ولا اقدر اشتري شي ونفس القصة اذا زرت احد واهلي يقولولي اعذريه عشان لساع انتو جدد بكرة يطفش منك ؟ بس المشكلة اهلي عارفين انه شكااااااك بمعنى الكلمة وحتى لو قعدت اهرج معه عن اي شي يقلبه تحقيق سؤال وجواب ومره حكيته عن موقف صار لصديقتي ترك السالفة وقعد يحقق ليش صديقتك متزوجة واحد متزوج وقعد ينتقدها فهمته ان الزواج نصيب لا كن قلب الموضوع مضاربه
ولو اطنشه يستأذن من العمل والاقيه عند الباب ، واحيانا اذا جاء من العمل يدخل بشويش ويسترق النظ من الباب يشوف انا اش اسوي ، حتى النت خرب الأعدادات عشان ما ادخله رغم انه على طول في العمل وانا اطفش لوحدي
ومره رحنا كفي وطبعا احنا فجده كثير كشف شاف حريم جالسات مع بعض قالي هذولا كلهم بنات ليل قلتله خاف الله لا تشيل فذمتك كل ناس وعاداتهم وخرجنا زعلانين ، والله مره بسوي عملية اجهاض في قسم الطوارى وتكلم معي الطبيب المناوب وبعدين هاوشني انتي تتدلعين عنده وطبع طردته وقلتله اخرج برى انا داخله على عمليه وانت تقول تتدلعين ؟ وتأسف وك وكم موقف صار مثله وازود وبعدين ياتأسف وآخر مره جاني نزيف شديد وانا حامل وتنومت في المستشفى والدكاتره حذروني معي فقر دم ورحت عند اختي تهتم فيني وهو الي وداني بنفسه ، بس بدأ مسلسل الأتصالات وصرت ما انام كل ساعه يدق حتى الليل ويحقق طبعا ، المهم انا صرت ابكي لأني تعبانه وما انام صار يزيد علي اتصلت على امي وفهمته اني تعبانه ولازم مايضغط ولا كأن امي ما اتصلت آخر شي قلتله انا تعبانه ولي 3 ايام مانمت وفيني نزيف ودوخه من فقر الدم واذا كثرت علي ممكن اتجنن صحيت الصبح يدق وطنشت يدق مره ثانيه وثالثه المهم انا خلاص حسيت اني بتجنن لبست العباية وطلعت الشارع جري مسكتني الشغاله وبنت اختي بس خلاص تعبت
وقعدت عند بيت اهلي واتابع عند الطبيب اعتذرلي وندم بس اش ينفع الندم ... تخيلوا يابنات يوم اواجه واقله انا تعبت من اتصالاتك وشكك وتفشلت عند اهلي وخلاص ابغى اطلق يقعد يبكي ويقفل الباب ما يخرجني ولو خرجت بالقوة يلحقني فبيت اهلي
وما يطلع ابدن او ينصرع ..
ارجوكم قولولي اش الحل انا تعبت جدا جدا .........تعبت من تحطيمه لي تخيلوا انا دوبني متزوجه وفرحانه اني حملت صار يقلي حصني نفسك ممكن الناس يعطونك عين عشان كيف كبيره وخلفتي ويوم زعلت وناقشته اني حتى عمري صغير قال مو انا الناس تقول كذا تعبت كمان من شكه القاتل من جد قاتل لأن آخر مره مايخليني اراجع المستشفى مراجعات حمل الين ما تدهور حالي وفشلني عند اهلي دايم يتصل عليهم ويسأله انا وين لو مارديت عليه وعلى فكرة المكالمات على حسابي ؟؟؟؟؟؟؟