محارة لؤلؤ

محارة لؤلؤ @mhar_lolo

محررة ماسية

لما نزل لي حافز قالت جارتنا (الله يخلي ابو فلان ما يقصر معي)..!!!

الملتقى العام


السلام عليكم ورحمة الله

اهدي كلامي هذا الي كل اخت ما قدمت في حافز وتقول ...( الله يخلي لي ابو فلان ما يقصر) .. ( عزة نفسي تخليني ما اخذ قرش واحد من اي احد ).. ( الله لا يحوجنا لهم ).... طبعا تقول هالكلام وشروط حافز متوفرة فيها وممكن تحصل على الاعانه .. وحالتهم الماديه اقل من المتوسط ...

معليش يا اخواتي اللي قالوا هالكلام .. بصراحه حسستوني ان اللي اخذت حافز اخذته بالشحاذه وان ما عندها عزة نفس ..!!!! ... ليه هالكلام .. يعني تعب 16 سنه دراسه ومافيه وظيفه وما يجوز ناخذ حافز..؟! .. اتوقع والله اعلم انكم مو مخلصات تعليمك لانكم ما جربتو التعب والمذاكرة وضغط الامتحانات....
بعدين هذا اللي جانا من خير بلدنا مو دائما تقولون ليه ما يصرفون لربات البيوت ...؟! وليه ما يعطون الفقراء ..؟! وليه ميزانيتنا فايضه وفوق هذا محد مستفيد منها خاصة الشعب ...؟!.. وان خير هالبلد لبرا ..؟! ... طيب الحين جتنا فلوس من بلدنا وبامر ملكنا الله يحفظه مهما كان المسمى ومهما كانت مدتها وقلتها او كثرتها ... نروح نقول لا والله عزة نفسي تخليني ما اخذتها مع انها راح تفيدني والا زوجي ما يقصر معي ... اكييد راح تفيدك لو 500 ...
وحافز من اسمه يحفزك ويشجعك لانك درستي وعاطله ويخليك تطمحي للوظيفه .. يعني ما قالوا الفقيرة بس تسجل والمحتاجه .. بس اللي مو محتاجه لا تسجل ...
انا ولله الحمد ما دورت على الوظيفة مع اني متخرجه من الكليه لان عندي اطفال ولو جتني اكيد بتكون في مكان بعيد فراح يكون تعب علي اكثر من الفايده مع اني ولله الحمد وضعي ووضع زوجي ماشي الحال ربي ادمها نعمه واحفظها من الزوال .. بس لما جت حافز قدمت والحمدلله جتني لانه لابد فيه اشياء تعتبر كماليات تتمنيها ولا تلاقيها ... مع ان البعض يمكن الالفين هذي اكثر من راتب ولي امرها ..ربي لا يحوجنا لاحد ...
وسمعت شيخ يقول يجوز تاخذ حافز لانها تربي اطفال هالمجتمع حتى لو ما تطمح في الوظيفه ... ويمكن بعدها تتشجع وتقدم على الوظيفه فأخذها لحافز جائز ...

بصراحه اذا هذا تفكيركم على اي خطوة تصير نحو التطور والرقي بتقولون عزة نفس والا كيف انتي يا فلانه ترضين تاخذيها اكيد محتاجه ... لا تقدمون حتى بجدارة لان الظاهر متعودين لازم نتعب من الوقفه وتحت الشمس .. وتهزيئ واخذ ورد ..حتى تنقبل ملفاتكم وبعدين تعالوا قولوا وين التحضر .. ووين خير بلدنا ...

كلمه اخيره اغلب اللي قالوا هالكلام اللي فوق قالوه لانهم استهتروا في البدايه ولا قدموا على حافز وماكانوا مصددقين الموضوع .. بس لما نزلت في حساباتنا مدري وش حسوا فيه صاروا يقولون كذا ... والبعض والله والله تقول هالكلام وراحت سجلت في الدفعه الثانيه ... وانا سمعتها باذني وقريتها ..يعني مو نقل كلام ... ويطلعوا بعد عليك كلام ان زوجك مقصر عليك وعشان كذا محتاجتها انتي وانا لا...

حافز حق من حقوقك ليه تتنازلي عنها .. زي ما لك حق في الوظيفه بعد تعب وغيره ... خلونا ايجابياات ... وبكرة لا تزعلي على اللبن المسكوب ... حتى بسبب حافز قدروا يحددوا عدد العاطلين والعاطلات في البلد بشكل ادق ... والله اني اتمنى القرار يكون فعلا صدق اللي فوق الـ 35 .. والكل يستفيد والله يخلي لنا ابو متعب ...

معليش كلمااات حركت في قلبي الكثير من الكلام ... ولكن لست متحاملة على احد والكلام لك ولغيرة اللي تفكيرك نفس تفكيرهم ... وما اتوقع كلامي فيه احللك وما احللك لانها صارت رد من لا رد له... ربي يهدي النفوس فيما بيننا ... واذا في كلامي شي خطأ نوروني وانوركم ...انار الله قلوبنا بتقواه ...
100
10K

هذا الموضوع مغلق.

الباشيه
الباشيه
هههههههههههههه اللي مايطول العنب
طنشيهم
جوتايم
جوتايم
الله يديم نعمته ماقدمت بحافز لان عمري ١٥ خخخخخ
معليش بنات مر من هنا صاروخ ارض جو ههههههه
ام توتو حبيبتي
هههههههههع والله صادقه نفس كلام سلفتي

وهي معاها شهادة رابع بس وزوجها راتبه ثلاث الاف

وتنافخ الله لايبلانا بسسسسسس
أمل الأحساس
أمل الأحساس
الله يديم نعمته ماقدمت بحافز لان عمري ١٥ خخخخخ معليش بنات مر من هنا صاروخ ارض جو ههههههه
الله يديم نعمته ماقدمت بحافز لان عمري ١٥ خخخخخ معليش بنات مر من هنا صاروخ ارض جو ههههههه
ههههههههههه
يسعدك ربي



الله يبارك للي نزلهم حافز
واللي مااخذوها
الله يرزقهم من واسع فضله
منقووووشه
منقووووشه
ناس تحب كثرة الكلام