عينه على حليب ابننا خالد

السلام عليكم ورحمة الله وبركاته

زوحي شريك مع واحد بشركة وهو من جنسية ثانية

زوجته ما تقبلتها ابدا من اول زيارة دايما تتكلم عن زوجها ومشاكلها وهالشيء من اول زيارة!!
وان اتصلت عليها ما ترجع تتصل مرة تانية
ولدت قبل 4 شهور ولا اتصلت وباركتلي مع ان زوجها ماقصر اجى المشفى وعطى لزوجي هدية معتبرة ومبلغ كبير جدا!!
عادي مازعلت منها لان حركاتها معروفة انها ماتتصل ولا شيء
مع انه لما انسجن زوجها بقضية سياسية ماقصرت وكل يوم اتصل وترد
بس بالايام الثانية ما ترد ابدا ابدا ابدا ههههه
عمزاجها ترد او لا

المهم قبل فترة زوجي وشريكه تخانقوا ومن ضمن كلام شريكه قال بالحرف:"حتى مرتي حكتلي انو رفيقك عينو على حليب ابننا خالد"

يعني الغبي شريك زوجي مابعرف كيف طلع هالجملة من لسانو ..ليش دخل مرتو بالموصوع وبهالطريقة خلانا ناخد فكرة سيئة عنها
اكيد مجنون!!

المهم خلاص تصالحوا واليوم مرتو ولدت وزوجي بحكي لازم نزورهم وهي اصلا مازارتني ولا حتى اتصلت وفوق هيك بتحكي كلام قلة ادب كانو نحنا قاتلين حالنا عالمصاري
بحكي زوجي عشاني
بحكيلو روح زوره بالمشفى لحالك زي مازارنا حكى مو حلوة

فوالله محتارة لانو البنت ماعجبتني اخلاقها وفوق هيك ماقدرتني وباركتلي بالبيبي وكتير مرات زوجها بشكي لزوجي عنها

فانصحوني...هالبنت خلص مو طايقتها وازا نصحتوني بزيارتها فبرايكم اضل جدية معها؟ يعني كلمة ورد غطاها او مو حلوة؟