السلام عليكم ... هذي قصيدتي المتواضعه وانشاء الله تعجبكم
يــضـــيـــق بـــالـــي من الفرقى وطاريها .. ويــرتـاح بالي بشوفك يا نظر عيني
اشــغــلـــت فـــكــري حبيبي وش تواليها .. وفــي غيبتك دمعة الحرمان تشقيني
امشي مَعَ الناس لـــكـــن دون ما اوحيها .. واشــلــون ابنساك وطيوفك تخاويني
إليا طرى أسمك دموع العـــين اغطــّيها .. خوفـــي من العاذل اللـّي ما يدانيني
وإليا طرت لي وصــــوفـــك جل باريها .. مــن فــيــض زينك توزّع للمزاييني
تسبى النواظر بــنــعـــس اهداب تسبيها .. ومن بسمتك تخطف قلوب الملاييني
يا مهجة الــــــروح روحي كيف تشقيها .. صمتك ذبحــنـي ونار الشوق تكويني
اقرى الرســـايـــــل لأجل نفسي اسليها .. وأثــــر الــرسايل عقب عينك تعنيني
ما بـــاقـــــي الاّ طيور الورق الآحيها .. اذكـــر بهــا احلى الليالي يوم تغليني
بـــعـــت المحبه من اول كنت شاريها .. وعلى الوصل والموده كنت توصيني
ماتت ورود الغلا مـــاعـــدت تـرويها .. ماتــت سبب قسوتك يا نازح البيني
حتى العهود الـــقــديمه صرت ناسيها .. ولاعاد بــاقـي سوى الذكر تقديني
زادت جـــــروحي ولا غيرك يداويها .. ليــتــك تـشوف الخفايا كان تبكيني
ضــاقــــت علي الوسيعه مَعْ مبانيها .. اطــوي سنين الرجا واقول يا ويني
قــلـــبي يحـــبك وعيني ساكن ٍ فيها .. لاتــنـــخــدع بالعواذل والشياطيني
في روض قلبي ورودك ليت تسقيها .. تعال واســقي ورود الحب واسقيني
جاتك حروف الشّعر من قبل اسميها .. دوّر عـــبــاره تواكب للمضاميني
مــشــــاعر ٍ مـــا تبي يا كود غاليها .. وامنــتـــــك الله حبيبي لا تخليني ..!!
mrs_monalisa @mrs_monalisa
عضوة جديدة
يلزم عليك تسجيل الدخول أولًا لكتابة تعليق.
الله عليك تستاهلين دعوة حلوة الله يعطيك العافية
بصراحة حفظتها عندي نامل منك التواصل
تحياتي
بصراحة حفظتها عندي نامل منك التواصل
تحياتي
الصفحة الأخيرة
بـــعـــت المحبه من اول كنت شاريها .. وعلى الوصل والموده كنت توصيني
ماتت ورود الغلا مـــاعـــدت تـرويها .. ماتــت سبب قسوتك يا نازح البيني
حتى العهود الـــقــديمه صرت ناسيها .. ولاعاد بــاقـي سوى الذكر تقديني
زادت جـــــروحي ولا غيرك يداويها .. ليــتــك تـشوف الخفايا كان تبكيني
ضــاقــــت علي الوسيعه مَعْ مبانيها .. اطــوي سنين الرجا واقول يا ويني
الى متى ؟؟؟؟ الى متى ؟؟؟؟
الى متى ستظل قلوبنا جريحة ...
والى متى ستظل الماديات اهم من المشاعر ؟؟؟؟
والى متى ... سنظل نبكي حنينا الى اناس تركونا ولم يكلفوا انفسهم عناء النظر الى الخلف ؟؟؟
والى متى ... سنظل تحت رحمة اناس خانوا .... واهتموا بكلام الناس عن حقائق حبنا ؟؟؟
ياقلب ... هونا هونا عليك ... لايقتلنك كثر المشاعر ....
فان تبقى دونها خيرا من ان تموت بسببها ....
اشجيتيني ... غاليتي .... وذكرتني بجراح قلبي ....
كلمات رائعة .... توحي بنبض حي ....
دمت لغاليك !!!