نكهات الرز من كنور ،،مين جربتها بسرعة تدخل ضروري..

انه جربت نكهة الكبسه والنكهه الهنديه والمكسيكيه حلوين بس الهندي حار اذا عندج أطفال 00

أنا جربت الهندي وكان حلو ماعليه ..

بس طبعا مو مثل الهندي اللي في المطاعم

هلا الغاليه
بالنسبة لي جربتها من اول ما طلعت
واللي شفتهم ثلاث نكهات بالسوق طبعا اتكلم على شركة (كنور)

الكبسه
الهندي
المكسيكي


من خلال تجربتي

1) الكبسه: تعتبر جيدة اذا مستعجلة وما عندك وقت يعني بيوم كنت مزحومه او مالك خلق تسبكي امور الكبسه فهي تفي بالغرض بس برايي لازم تضيفين لها دجاج او لحم لانه المرق حقه يعطي طعم.


2) المكسيكي: ما اعجبني ولا اعجب زوجي ولا اعجب امي

3) الخلطة الهندية: رهيبه وطيبه كتير كتير وذاك اليوم سويت منها وارسلت لجارتي اتصلت فيني تقولي اعطيني طريقتك في الرز الهندي قلت لها الحين ارسلك اياه وقمت ارسلت لها ظرف الخلطة حق كنور وقلت لها هذا هو طريقتي :)
بصراحه الخلطة الهندية رهييييبه
وهي شوي حاره وهذي حلاتها

طبعا كل مغلف هم كاتبين انه يكفي لكوب واحد من الارز البسمتي او البشاور

بس بالنسبة للخلطة الهندية تقدري تحطي للمغلف الواحد كوب ونص رز وبيطلع تمام 100% لاني جربتها (الكوب المعياري او المقياسي)

يعني اذا بتسوين ثلاث اكواب رز حطي لهم مغلفين من خلطة الرز الهندي من كنور

وانصحك يكون معها لحم او دجاج يعني انصحك تسوين الرز بمرقة اللحم او الدجاج اطيب



والطريقة سهله نفس اللي مشروحه بالضبط

تحطين كمية من مرق الدجاج او اللحم على حسب كمية الرز ويكون المرق ساخن جدا او مغلي وبعدين تحطين لكل ثلاث اكواب رز حوالي خمس ملاعق طعام زيت وتخلطي الخلطة اللي بالمغلف بالماء وتحطيها على النار اول غليه وتضيفي الرز لها وتسويه بشكل عادي مثل ما تسوي الرز

وبالنسبة للملح هي الخلطة فيها ملح لكن انت ذوقي وشوفي لو كانت بحاجه لملح زياده


اهم شي لا تحطي مغلف واحد لثلاث اكواب رز لانه ما راح يطلع طعمه لازم مغلفين اقل شي


وحطي في بالك انه اكيد مو مثل الرز الهندي اللي على اصوله مثل اللي بالمطعم او اللي يتسوى بالبيت على اصوله
لكنه يفي بالغرض وطيب بصراحه

اما المكسيكي ابدا مو حلو
والكبسه نص نص مو مره
:)

بجربها ان شاء الله افدتونا
يجزاكم خير

مشكورات ما قصرتوا

يعني تنصحوني بالهندي ، هم أكثرهم بيحبو الحار و الحبحر عادي عندهم ، و بالنسبة للاطفال فيه أكلات ثانية من ضمنها المعكرونة..

هاه وش رأيكم؟؟؟

أسوي الهندي..