متهاوشين انا و زوجي و اهوا الغلطان ولا راضي يعتذر تعبت من الهواش والله تعبت

السلام عليكم خواتي

اكتب لكم و انا حزينه و صاكه فيني الدنيااااااااااااا شقول بس الرياييل تعبونا مهما نسوي ما يبين في عينهم كله احنا الغلطانين و مع الاسف وايد بنات يوقفون في صف الرجال كانه الرجال ما يغلط !!

بقولكم السالفه و انتو حكموا

امس عقب الفطور صديقتي اتصلت علي قالتلي تطلعين نروح السوق قلت اوكي بس بستشير زوجي اول تدرون بعد لازم ولا تصير مشكله و انا طبعي ما احب اطلع الا لمن استشير زوجي قالي لا ما تروحين قتله ليش و ما ليش ما رضى حاولت ما رضى قلت ميخالف مو لازم اروح اكل هوا و اجلس في البيت جلست

عقب قتله امي قاعده بروحها بالبيت ودني عندها وصلني لاني ما اسوق و هذه معاناتي الكبيره اني ما اسوق قالي مو الحين اوديك طبعا بنفسيه و عصبيه و انا ما قلت شي قالي ساعه 12 بالبيل اوديك قبل لا اروح النادي اهوا مشترك نادري رياضي قتله لا متاخر بكون الوقت ودني الحين لان بطلع مع امي قالي الحين انسي مافي قتله مو مشكله سكت عادي

الله يسلمكم باب شقتي انا ساكنه في بيت اهل زوجي و باب شقتي المكان الي ساكنه فيه مسكه الباب مكسوره صارلها والله يمكن شهر اقوله سوها لان بالغصب يفتح الباب مكسوره و من اقفل الباب ساعه على ما يفتح قالي مالي خلق مو الحين و اهوا واعدني اصبغ دار ولدي انا ما عندي الا ولد واحد الله يخليه لي قالي بنصبغ داره و بحط له سرير جديد يعني بسوي له دار لان ما عنده دار غرفته مخليتها مخزن قالي لا بعدين مالي خلق والله يا بنات كل مره يقولي بعدين بعدين ياجل من متى مواعدني يقول ماله خلق يجابل العمال الي بيصبغ قتله ليش و مادري شو انت كله كالك خلق و كل مره تقول بكره بكره شو سوه الله يسامحه خذا الطفايه مالت الزقاير و حذفها علي بعصبيه قالي لا تحنيييييييييييييييييييييييييين

وانا والله ما سويت شي ولا رديت جلست ابكيييييييييييييييييييييييييييييييي و اهوا ولا همه مو اول مره يطفقني اب شي و كل مره اسامح و انسى اخ يا بنات والله مو حلة الرجال يستقوى على حرمته انا جلست ابكي ابكي و ولدي يشوفني مسكين اهني ما عرفت شو اسوي اتصلت على امي و سمعتني ابكي قالتلي الحين انا جايه طلعت وياها و اهوا شافني معصبه خذيت ولدي و رحت وياها اهوا ولا سال و عاااااادي طااااااااااااااااااااف و لا كانه مسوي شي و ابكي ولا هامه ليه هالدرجه دموعي رخيصه عنده ؟؟

قلت حق امي السالفه قالتلي تبين اكلمه قتلها لا مابي السالفه تكبر بعدين اهوا بعصب بقول ليه تقولين سكت قلت الله كريم جلست في بيتنا انا و ولدي لييييييييييييين الامساك والله ولا اتصل ولا سال بعدين دق معصب يقولي انتي شلون تروحين و ما تقولين انك رايحه قتله والله و عقب الي سويتها تبين اقولك يعني طبيعي معصبه و متنرفزه طلعت لان ما قدرت اجلس في البيت والله ابي اتكلم ما اقدر اكتم الي فيني قال يا سلام تدرين انتي لو جمبي كان ضربتج بالكرسي بعد مو بالطفايه انا ساكته و اكلمه بكل هدوووووووووء منصدمه من رده شلون يرد علي جذي بدال ما يعتذر و يواسيني و يطيب خاطري و يدري انا بسرعه ارظى و قلبي كبيييييييييييييييييير ينسى بسرعه بس لا مو هامه كله انا الغلطانه انا اهوا ما يغلط قالي الي يابك يردك ماني رادلك قلت شلون و محد يردني نايمين بيتنا قتله براحتك اخذ راحه مني يوم انا بنام اهني عصب و صكر التلفون بوجهي اخخخخخخخخخخخخ يا بنات والله عوار قلب ما نمت الليل والله ما نمت بس جالسه و افكر امي قالتلي خليه زعلي عليه مو كل مره يظرب و تسكتين بعدين العصر ساعه 4 اتصل علي اليوم قالي انا بجيكك قلت اوكي و جاني امي قالت تفطروا عندنا قلت له امي تقول انزل تفطر عندنا قال لا و قعدت اقوله و اقوله قال اوكي بس بشرط قلت شو قالي اتاسفين شنو اتأسف شلون و انت الغلطان قال لا انا مو غلطان انا قلت لا مابي اتاسف

قال اوكي خلاص و عصب علي زياده يا بنات كيف اتأسف و اهوا الغلطان :44: يا ما غلط علي و انا اللي اتاسف ليه اهوا الي ما يتاسف كله الحريم الي ينزلون من كرامتهم و يتاسفون اااااااااااخ بس على الرجاجيل والله حرام انا مو مقصره معاه بشي شو الي بيصير اذا تاسف و راضاني و طيب خاطري معطيني طاف و بنظره انا الغلطانه و تخيلو تفطر بروحه و قاليس تعالي تفطري قلت مابي تفطر بروحه و انا جلست بالدار ابكي و لا هامه و الحين نايم بالمجلس على الكنب و معطيني طاااااااااااااااف

قولو لي شسوي تعبت والله ما احب الهواش و احب اعيش سعيده زوجي صاير كسول و ماله خلق

منو الغلطان قولو و شو برايكم اسوي الحين احنا ما نكلم بعض :44::44: و الحياه بالزعل مو حلوه