:icon28:
السلام عليكم ورحمة الله وبركاته وشخباركم حبيباتي وحشتوني مووووووت
اول شئ اعتذر منكن على انقطاعي الفترة الماضية عن المنتدى-من اهميتي الزايدة اكيد محد حس بغيابي خخخ!!-
لان حصلت ظروف وتحدد عرسي بفترة قياسية خلال3اسابيع وانتو ادرى بالحوسة وخلصنا العرس والهني مون على خير
الحمدلله وووووووووصارت شغلات كثيرة حملت وسقطت عسى ربي يعوضي ويعوض كل محرومة
:44:
ياكثر هرجك اخلصي-كنت ادخل المنتدى اشوف جديدكم بس ما كنت ارد لاني كنت اجهز
لهالموضوع على مبدا من طول الغيبات جاب الغنايم ويرب تستفيدون
طلب صغنون
اللي تستفيد الله يرضى عليها تدعي لي بان ربي يفرج همي عاجلا غير اجل
والله قاعد على صدري مثل الجبل مو قادرة استانس بحياتي:(
وان الله يحرس لي زوجي ويرزقنا من فضله
واللي تبي تنقل الموضوع ما احللها الا تكتب اسمي وعالم حوا وتدعي لي بعد
لاني بصراحة تعبت كثير اجمع بالافكار واعصر مخي
وبعض هالانصايح اسرار احتفظ فيها لنفسي لكن ما تغلى عليكم
واهدي هالموضوع لكل بنوته شايلة هم وخايفة ان مهرها ما يكفي واقولهم
حبيباتي لا تخافون ان شا الله ربي يطرح البركة بهالعشرة او العشرين وتكوني احلا عروووووووووووس
يلا بسم الله نبدأ
اول شئ لازم تخصصي جزء من المهر للصدقة وما يحتاج اقولكم عن فضلها
عن نفسي احب الصدقات الجارية وخصصت مبلغ لصدقات القرآن
والشئ الثاني لازم تحضري نفسيتك للزاوج
بمعنى تثقفي نفسك اكثر وتفهمي طريقة تفكير زوجك او الرجل بشكل عام
:arb:
وفي عندك مواضيع حلوة لتوليب الله يشفيها
ولفتو تاكل منتو
واهون عليك بموضوع البوصلة الشخصية
وتقدري تدوري بالقوقل عالاستشارات والدورات الخاصة بالحياة الزوجية
اوكيك
نجي للتجهيز وما ادارك ما التجهيز
حووووووسة
وصدق من قال وجع الضرس-الله يكافينا شره- ولا هم العرس
والشئ اللي ساعدني اني كنت اقضي شوي شوي وانا مملكة
يعني كلما ما شفت تخفيضات شريت سواء ميكب ملابس لانجري عطور واغلب وقت التخفيض يكون نهاية الموسم او نهاية السنه
وقبل كنت مسوية بحث بالنت عن افضل العطور الارواج المحددات الخ اللي تناسب بشرتي واسعارها ومواسم التخفيض
وما شاء الله المشرفات ما قصرو ثبتو لكم مواضيع
اسجلها بالمفكرة وامخمخ فيها ولا رحت السوق خذيت المناسب
وفي طريقة للاخت فتو بانك تحددي يوم لكل غرض يعني يوم للملابس ابد لا تشتري ميكب
بس انا ماسويت كذا لان عرسي ما بعد تحدد
وممكن تروحين لموقع اي محل تحبين تشترين منه وتسجلي ايميلك ويرسلون لك عروضهم
مثلاراسلت نعومي وعلى طول القى رسايل عن تخفيضاتهم
الشغلة الثانية لازم تحددي وتستقري على نوع
المكيب والتسريحة تبين استايل بسيط -فنكي- كلاسك- شئ جديد ما قد جربتيه وسوي بروفة بالبيت
مثلا انا عجبني مكياج الفراشة لاحمد القبيسي وشفت الدرس على اليوتيوب وحاولت اجرب بس طلع ما يناسبني
ممكن تروحي كذا مشغل وتسألي عن اخر شي نزل وتشوفين الزباين
والافضل تروحي الاربعا او الخميس
لانه اذا حددتي هالشي بتقدري تنسقي اجواء الحفل من كوشة وورد الخ
وفستانك واكسسوارك والاغراض اللي بتحطينها يوم العرس بشنطتك
بمعنى مثلا
مكياج عيونك قوي اكيد روجك بسيط
المسكة الافضل تكون نفس لون الروج وفي ناس يبون المسكة بيضا او سكرية
مو مشكلة انتي وذوقك
هل بتحتاجي تلبسين عادسات ولا عيونك ما تتحمل؟ ولا انتي تبين لوك طبيعي وودك تغيرين لانك دوم تلبسين عدسات ملونه؟
تقدري تلبسين عدسات جونسون اليومية او اللي بلمعه من فرش لوك
ولا تنسي تغمضين عيونك وقت السشوار,وتجيبين القطرة والمحلول والعلبة تحسبا لاي طارئ لاسمح الله
وطبعا لما تحددي الالوان اللي تبينها بتسجلي على الورقة الاغراض المطلوبة لهالوك
بتقولين ليش؟
1-علشان تعدلي مكياجك بعد الكوافير يمكن يخرب شئ ولا ما تضبط امورك لا سمح الله
عن نفسي خذيت اغراضي كااااااااااااااااااااااااملة
خفت اتحسس من المسكار والكحل والفرش
او ما يناسبني الاساس حق المشغل
ويمكن باسوء الاحوال يتكنسل الموعد لا سمح الله
واقلت انا اسويه لان اعرف اضبط نفسي واول ريدي مسوية بروفة
واذا ما ودك تاخذي كل اغراضك
يكفي الروج
الكحل
بودرة اللمعة للجسم
والجلتر
بودرةوجه
بلاشر
لا تنسي تمسحي بالفرشاة بودرة على شكل خط تحت الروج حتى لا يتلطخ
2 -حبيتي يكون فستانك كريمي او ذهبي تناسبك الوان الميكب قوية ودافئة زي الاحمر والعنابي والترابيات
مثلا فستانك اوف وايت او ابيض تناسبك اللاوان الباردة زي الفوشيا والازرق والموف
طبعا اختيار لون الفستان يعتمد على لون بشرتك اذا انتي بيضا /سمرا /حنطية /بتسوين تان
ويصير تروحين محلات الاقمشة
وتطلبين كذا درجة من التفتا وتحددي اللي يناسب بشرتك
ملاحظة
اذا ما تعرفين درجة بشرتك باردةولا دافئة ممكن تاخذي شال احمر وشال ازرق-مو ضروري تتقيدي باللي ذكرته اي لون دافي او بارد يمشي الحال-
ووتتطرحي فيه وشوفي هل وجهك شاحب ولا منور اكيد اللي ينور وجهك يناسبك وعليه تصنفي درجة البشرة
وتقدري انك تشتري مجموعه من الارواج االلي سعرها معقول حتى تعرفي الدرجة المناسبةلك لان في بعض الالوان تصفر الاسنان وتخرب الميكب
ولما تعرفي المناسب تاخذي الروج كعينه وتشتري الماركة اللي خاطرك فيها بنفس اللون
اكيد ما يحتاج اذكرك تسوين تنظيف اسنان لكن اذا رفض زوجك مثلما ما صار معي اكتفي بمعجون مبيض وفرشاة كهربائية
ويمشى الحال
وفي خلطات هنا للبنات ما قصروا
3-بالنسبة للتسريحة هل بتصبغين شعرك؟
طيب راح تقدري تهتمين فيه بالماسكات بعد العرس؟ ولا انتي من انوع العجاز؟
ولا تنسي انك بتغسلينه بشكل يومي
والشئ الثاني هل انتي تتمكجين كل يوم؟
الصبغات الفاتحة تتطلب مكياج دائم وبشرة نضرة ولا بتطلعين شهباااااا
ولااااااااازم صبغة جذور او رونساج كل شهرين
عكس الغوامق تخبي عيوب البشرة ولا يحتاج لها مكياج كثير يادوب روج وكحل
تسريحتك بسيطة=لازم تكون طرحتك او تاجك مشغولة بالكرستال
حلق كبير +سلسلة ناعمه
تسريحتك اوفر وشعرك مخصل =طرحة ناعمه +حلق طويل+سلسة فخمة
أطقم الكرستال موجودة بسويقة على 100وفووق حسب ما قالت لي صديقتي
وبالبطحا صف محلات طوييييييييييل بس معرف بكم شكلها محلات الجمله لاني اشوفها تبرررق من بعيد
وشفت بالاندلس طقوم حلوة من180 وفوق
وطقمي كان هدية
ايه نسيت اقولكم شغلة
انا ماحب الساعات وعندي منها بالهبل مرمية بدرجي
فاستخسرت اشتري جديدة
المهم خذيت وحدة فخمة وعليها ستراس كثيييييييير وماركة اصلية
ووديتها شارع الثميري -محلات وكلاء الساعات= نظفوها ولمعوها لي ولبستها جلد عاجي بلمعه وطلعت شئئئئئئئئئئ كنها جديدة
الملابس
اكيد الكل عارف بان الافضل ما تكثري من ملابس الطلعات اهم شي حق البيت لان ممكن يتغير وزنك او انك تحملين
اللانجري
قضيت من نعومي ولاسنزا وستي مكس
ايتام ما جازت لي موديلاتهم
الريس حلوة ستياناتهم والمشدات بعد
ست الحسن مدري نهج الحسنا مو مررة
واحة الجلابية عندهم اشياء حلوة بس كنت مستعجلة
واللي بقى من المبلغ المخصص شريت من الهرم لانجري وبجامات وترنقات+طقمت لكل قطعه ستيان وكلوت كرمتو-وكلفني الواحد15تقريبا
ما همني اشتري ماركة لاني ماالبسها الا =بالجلسات الخاصه=
وبصراحة ما تريحني
@@@@@@احب اكون سفري@@@@@@@@@لووووووووووووول
كثرت من بجايم البيت القصيرة النعومة ونوعت بالالوان واهم شئ انها قطنيةلاني عارفة نفسي
ماراح انام ببجامه ستان او ترنق
-الاخت تحب التهوية والراحة لابعد الحدود-
نقطة مهمة
لازم تعرفي وش الوان زوجك المفضلة حتى تساعدك بالاختيار
وفستان اول ليلة فصلته
ولا كلفتي 150اقمشة وكلف وخياط طلع خيااااااااااااااااااااااااااال
وش اللي حادني اخذ من نعومي بال1600؟؟؟؟؟؟
ابدا ما يسوى
الدعوة كلها دانتيل وشيفون ابو خيطين وبطانه
ومحد بيدري انه تفصيل
وانا بصراحة محب اضيع فلوسي على الخراقين يكفي اللي قريته عن فضيحة الماركات
:09:
فصلت تايورين سهرة وفستانين
قلت يمكن تجي مناسبة مفاجئة لي
واحد منهم قصته الامباير- حق الحوامل-ههههه قلت استفيد منه بعدين
وخذيت جلابيات من سويقة اسعارها معقولة جدا مذكر يمكن من 200
وشفت جلابية فخمة لصديقتي ب300من طيبة
والبقية جاتني هدايا
كل اللي عندي تقريبا 7
ما كثرث لاني محبها احسها للحريم -خخخخخ وانتي وشو؟!-
وجبت بلايز فراشة شيفونات مشكوكة وفخمةوخصصتها للاستقبال
خلاص بنوتات تعبببببببببببببت
ان شاء الله ارجع اكتب لكم الباقي هاليومين
لا تنسوني من دعواتكم
احبكم موووووووووووت
:26:
قلب مكسور @klb_mksor
محررة
بنوتات اخيــــــــــــــــــــــــــر ا اعرست والفال لكم ان شا الله وهذي خطوات تجهيزي
26
4K
يلزم عليك تسجيل الدخول أولًا لكتابة تعليق.
مبروك ياقلبي
والله يتمم لك زواجك على خير ويرزقك الذريه الصالحه ويسعدك مع زوجك ومشكوره على مجهودك
والله يتمم لك زواجك على خير ويرزقك الذريه الصالحه ويسعدك مع زوجك ومشكوره على مجهودك
الف مبروك الزواج والله يرزقك الذريه الصالحه ومشكووووووووووووووووووووووووره علي موضوعك اللي اكثر من رائع
الصفحة الأخيرة
لا إله إلا أنت سبحانك إنى كنت من الظالمين