nouf ahmad :

أنا خبره بهالمستشفى كل أقاربي يولدون فيه ولدت عندهم مرتين وبولد عندهم بإذن الله هذي المره عندي وضع خاص فصيلتي نادره و معرضه للنزيف علشان كذا يرفضون ملفي المستشفيات الخاصه من ناحية العنايه الطبيه هم الأفضل لو أحتجتي شيء لا سمح الله أو مولودك المهم هذي هي تجربتي فيه لا دخلتي الطوارئ بيستقبلونك ممرضات عند الباب خلي اللي يوديك يقول ولاده بيجونك بعربيه و يدخلنك على طول للطوارئ راح تستقبلك ممرضه تسألك ولاده أنت عاد تبي تقولين أيه بتدخلك غرفة الكشف و تجي الدكتوره المناوبه في الطوارئ تسوي لك سونار و تكشف على الرحم كم توسع إذا كنتي واصله بسرعه يجهزونك و يطلعونك قسم المخاض والولاده و إذا توك يحطونك بسرير بأنتظار الطوارئ و كل فتره تكشف لين تقربين من الولاده إذا طلعتي فوق لقسم المخاض بيدخلونك غرفة الطلق فيها جهاز تخطيط و يركب لك مغذي و يشيلون ملابسك و يلبسوك لبسهم و إذا حابسه البول يشيلونه منك بقصدره و يتابعون وضعك لين يفتح الرحم للأخر بعدها ينقلونك لغرفة الولاده و على سرير الولاده و تجي الدكتوره و تولدك بعد الولاده تسوي لك تنظيف و بعدين تخيطك الخياطه ما فيها تخدير بس أبرتين تعطيك أياها من تحت تخدير موضعي و تخيطك داخلي و من برا إذا بكر و إذا مو بكر بس تخيط الجرح من برا و فيه ما شاء الله بعض الحريم ما تحتاج توسيع ما يوسعون لها بس إذا صار تمزق يتخيط من تجربتي خيوطهم عاديه جداً و ما عندهم كبس و لا كمامه و لا أبرة ظهر كل هذولي تحطهالك حسب وضعك لو أحتجتيها بس ما تطلبينها بعد الولاده يشيلونك للأنتظار إذا عندك وضع خاص يطلعونك فوق بعد كم ساعه و إذا وضعك ممتاز تطلعين بعد كم ساعه من الولاده للبيت لأن المستشفى جداً مزحوم و الأسره يتركونها للي يحتاجها أكثر بالنسبه للأغراض خوذي ملابس كافيه لك وللمولود لأنه بس تخلصين ولاده يجون لمك يقولون يالله على الحمام غيري و مولودك بعد يجيبونه لك على طول و ينتظرو عندك لين تغيرين ملابسه لا تنسين فوط لك و للمولود مافيه ما يعطونك فوط صحيه خوذي أنتي معك و كل شيء تحتاجينه من صابون كلينكس مطهر خوذيه ما يعطونك وجه أبداً و خوذي معك سلة فيه مشروب أعشابك و حليب دافي ومويه دافيه و حاجه تأكلينها بعد الولاده ممكن تولدين أول الليل يجلسونك جوعانه للفجر علشان كذا خوذي كل شيء معك بس تولدين خلي زوجك يدخلها لك بالأنتظار كمان حليب للمولود راح يموت من الجوع مستحيل يرضعونه و أنتي ما بك حليب بس لبا ما يشبعه و كمان خوذي معك مره لأن الممرضات يتعطرن و يترززن عندك من ناحية المعامله لا تنافخين و لا تصارخين و إلا يا ويلك خلك عسل يصيرون معك يا سلام أتمنى أني أفدتك بتجربتي و الله يسهل علي و عليك يارب و كل مسلم

أنا خبره بهالمستشفى كل أقاربي يولدون فيه ولدت عندهم مرتين وبولد عندهم بإذن الله هذي المره عندي...