اهلين اخواتي واسفه على التاخير السمن المستخدم هو سمن( فارم )اللي يجي لونه اخضر

وبالنسبه للطريقه هي للاخت مجدولي الل يتعرف تجيب الرابط تبعها ياريت تحطو للاخوات لانو بصراحه اختكم جديده في الكمبيوتر وما اعرف كيف اجيب الرابط وياريت تكسبو فيني الاجر وتقولولي كيف احط الرابط وبالنسبه للطريقه ابشرو انا حكتبها
المقادير والطريقه:
(المعيار بكاسه جبنة كرافت اوالمراعي الكبيره بصراحه انا سويتها بالكوب المعياري))نجي للمقادير:1كوب تمر منزوع النوى+1كوب ماء مغلي يخلطو مع بعض ويترك ليبرد بعدين نخلط ثلث كوب سمن كريسكو اللي يجي لونه ابيض مع1كوب سكر يخلطو طيب حتى يصير زر الكريمه ثم نضيف لهم بيضه وحده بس ونخلط ثم نضيفلهم خليط التمر واللي ما تحب انو التمر يبان في الكيك ممكن خلط التمر مع الماء في خلاط العصير بعدين نضيفو مع السمن
ينخل كاسه ونص دقيق مع 2ملعقه صغيره بكنج بودرمع 1ملعقه صغيره بكنج صودرا ثم نضيف لهم نص كوب جوز الهند وقليل من الهيل وهذا اختياري بس انا ضفتو وطلع لذيذه ثم يضافو لخليط التمرويخلطو ويصب في صينيه والافضل في صينيه متحركه لانو الخليط قوامه ثقيل مو زي خليط الكيك العادي ( بس انا حطيتها في صينيه تيفال المقاس الصغير مو الصغير مره مره ودهنتها زيت قبل ما احط الخليط وطلعت بسهوله) وتدخل الفرن حتى تنضج ونخرجها ونخليها لتبرد وبعدين ضيفيلها التوفي وممكن ماتضفيه (انا ما ضفت التوفي ) وطريقة التوفي زي ماتعمليها وطريقة مجدولي هي :1كوب سكر بني بيكون اطعم ن السكر العادي مع ربع اصبع زبده وعلبة قشطه وتسويها عادي كالمعتاد (وشي ثاني انا نقصت من السكر في الكيكه يعني بدل كاسه حطيت نص كاسه وطلع حلاها ممتاز لانو بصراحه حسيت انها حتكون مره حلوه وخصوصا انها فيها تمر وكمان لو حبيتي تحطي التوفي ) ونسيت اقولكم اذا حطيتي التوفي عليها دخليها الثلاجه اللين تبرد زي ما قالت مجدولي وكمان ممكن استبدال جوز الهند بالجوز المجروش لازم مجروش بس . يارب اكون وضحت الطريقه كويس ومعليش طولت عليكم