مراحب خواتي
طبعا العنوان يوضح معاناتي سابقا ..
من شهرين رحت العياده وطلبت دواء مؤقت لحب الشباب اللي تفاقم فجأة بعد مداومتي على الحف وطلبت تحويل للمستشفى عشان ارد اتعالج بالرواكتان اللي نفعني يوم تعالجت به قبل سنوات..
المهم كتبت لي لوشن دلاسين او دالسين .. بس الصيدلي ماحصل هاللوشن فعطاني بديل له
واسمه Zineryt
وهذا شكله
يكون في الكرتون بودره مع سائل انتي تخلطينهم وتجهزينهم حسب التعليمات السهله..
المهم اول مااستعملته الحبوب الصغيرة اللي طلعت لي كلها ماشاءالله تساوت بسطح البشرة يعني نشفت بس مب مبين الجفاف لاا ولا القشور وهاللي فرحني .. والحبوب الاكبر شوي خذت يومين لين ماتنخمد هههههه بس فعلا ماشاءالله مفعوله بين على بشرتي باسرع مما كنت اتوقع ..
واستعمله مرتين في اليوم حسب ماكاتبين
مرة الصبح ومرة قبل النوم ..
الصبح احطه واترياه ينشف .. عقب احط بيس فورايفر وعقب باقي المكياج لاني احس ان البيس يختلط مع اللوشن ويحمي البشرة من اثار المكياج ..وعقب يوم ارجع اغسل المكياج بغسول نيفيا اللي يكون مثل الجل بس سائل ازرق روعه تحسين بنظافة وانتعاش .. وطبعا باسفنجه صغيره تفركين السائل بويهج عشان يطلع بقايا المكياج من البشرة .. وعقب اغسلها بصابونه Acne الطبية .. وطبعا الصابون هذه استعملها على مدار اليوم ..
وفي الليل قبل النوم احط اللوشن الطبي مرة ثانيه واترياه شوي ينشف وعقب احط الخلطة التالية
(كريم الكوم+كريم الدوكين الليلي) واحيانا احط كريم كيلي اما في حالة ماحفيت ويهي احط مع الخلطة كريم فوسي كورت اذا حسيت البشرة حمرت من الحف..والصبح انش وماشاءالله منورة
أما عن الحف والحبوب بعدها ..
اول ماتخلصين حف اغسلي ويهج بغسول نيفيا الازرق الشفاف روعة وعقب حطي اللوشن وكثري منه وعيشي حياتج:)
المهم النتيجة
قولو ماشااااااااءالله
بشرتي مع الأيام تصفت وتفتح لونها .. وانا صبرت شهرين قبل لا اكتبلكم تجربتي .. وحفيت حوالي 4 مرات .. بس للأمانه .. يوم خلص عني اللوشن اول مرة يتني الدورة وطلعت لي كم حبه صغيرة بس تلاحقت عليها باللوشن مرة ثانيه والحمدلله الحين مرتاحه ومااحاتي الحف او حب الشباب .. وان شاءالله اذا جد جديد في بشرتي بخبركم
وسلامي
والله يديم عليكِ البشرة الصافية والنضارة
وياريت تكتبين اسم غسول نيفيا او تحطين صورته
لأنها مختلفه
وتسلمين يالغلا