SuN R!sE
SuN R!sE
كلامك صحيح بجوانب كثيره بالحياه
لكن العين حق ومااقصد انو خلاص كتموا على كل شي ولاتحمدين وتشكرين وتبينين النعمه اللي انعمك ربي بها

وفي جانب مراعاة الشعور انتي ماتدرين مين ممكن يتضايق ويتمنى الوضع اللي انتي فيه !

لاافراط ولاتفريط
سعاد سول مون
سعاد سول مون
كلامك صحيح بجوانب كثيره بالحياه لكن العين حق ومااقصد انو خلاص كتموا على كل شي ولاتحمدين وتشكرين وتبينين النعمه اللي انعمك ربي بها وفي جانب مراعاة الشعور انتي ماتدرين مين ممكن يتضايق ويتمنى الوضع اللي انتي فيه ! لاافراط ولاتفريط
كلامك صحيح بجوانب كثيره بالحياه لكن العين حق ومااقصد انو خلاص كتموا على كل شي ولاتحمدين وتشكرين...
مايكون هدفك من استعراض النعم والكلام بحريه عن حياتك هن استفزاز الغير ولكن هدفك يكون هو العيش ببساطه وجعل الدنيا ملونه لك ولغيرك. أما الي أقل منك وبتشوف الخير الي أنتي فيه وبتنقهر هذي تستاهل القهر لأنها حسوده وعين فارغه والمفروض ترضى بالي عندها وتفرح للناس لذلك هي تستاهل القهر وبتستمر تنقهر حتى لو مانزلتي صور ولا تكلمتي بتجلس تتخيل وتنقهر وتنقهر وتنقهر الى ان تاصل لمرحله تصحى فيها وتكتشف ان الانسان المفروض ماينظر يهذي الأشياء . ويمكن ماتصحى ابد ولكن حياتها بتكون شقاء وهذا الشقاء هي تستاهله ولانحسب حساب لفراغة عينها لانها وضع غير طبيعي.
الرد القادم بحط فيها فكرة مهمة
سعاد سول مون
سعاد سول مون
تخيلوا يابنات أنه بسبب خوفنا من العين صاروا الناس إذا صارلها شي شين ركضت تحكي وتتحكى به وإذا صارلها شي زين خافت وسكت. وهذا الشي خطير جداً جداً جداً على المجتمع لأنه حول المجتمع إلى مجموعة من الاشخاص حديثهم كله أشياء سلبيه ومصايب وبعدها اعطى صوره آن الدنيا شينه وصعبه والحزينين والي عندهم امتئاب والي يمرون بأزمات راح يتعزز عندهم الحزن ويستمر بدال مايبث فيهم المجتمع الحياة ويساعدهم يتجاوزون. مثلاً لنفرض وحده عندها سرطان منومه في المستشفى وجاينها زوار تحتاج منهم يتكلمون عن اشياء حلوه عن تمشيات وسفرات وقصص تضحك عن اولادهم تحتاج آحد يحمسها تعيش وتطيب وحتى لو كانت على وشك الموت تحتاج أيضاً تقضي باقي ايامها في سعادة.

صديقة بنت اختي في آخر المتوسط جاها سرطان وماطابت وتنموت في المستشفى خلاص بتموت. أمها طلبت من صديقاتها في المدرسة يجون يسووت جلساتهم عندها بدل الحريم عشان تنبسط آخر ايامها. لأن جلسات الحريم نكد اما هذولي البنات صغيرات لسه ماتلوث مخهم بالخوف والتجوس فكانوا يجلسون ويتكلمون عن المدرسة ومواقفهم مع الأبلات وكل شوي يفقعون ضحك وهي كانت تضحك معهم الى ان دخلت في غيبوبه وماتت. كانت بنت اختي تجي تزورها وتضحك عندها وتحكي وبعد ماتطلع منها تجلس على الكرسي وتبكي لانها تكون ماسكه البكيه من أول.

والضرر الثاني أنه الجيل لما يطلع ويلاقي كل كلامنا سلبي وخوف من العين أما حيصير معقد وسلبي لأنه بيعتقد أن هذا هو حال الدنيا وياما بيكتشف الدنيا الحقيقية عن طريق السفر أو مقابله ناس غير مشوهيين بالخوف ويكتشف أن الدنيا مو كذا وبعدها بيكرهنا ويقرف منا وينقلب علينا ماولمه. أعرف ناس لو لها حيله كان خبت حتى اسم زوجها! الجلسة معها تقصر العمر. بس الواحد يحب يجلس مع ناس بسيطين يتكلمون بدون مايحسبون حساب كل كلمه ومو معقدين.
المشكلة تلاقينها تقرأ الاذكار ومع ذلك تخاف لأن ماعندها ثقة في الله. وحتى الي يخبوا وطول عمرهم عايشين في حذر وخوف تلاقينهم يقولون فينا عين وموسوسين. يعني خوف على الفاضي وضعف ثقة في الله وضرر كبير على المجتمع
سعاد سول مون
سعاد سول مون
ctc0ta ctc0ta :
كلامك صحيح وانا مريت بالخوف من الموت والحمد لله تخلصت منه وكان لمدة شهر لكن والله اطول شهر في حياتي المفروض الوحدة ما تستسلم للخوف لانه دمار للحياة و في نظري أن القدرة على التخلص من الخوووف نجاح و قوة للشخص
كلامك صحيح وانا مريت بالخوف من الموت والحمد لله تخلصت منه وكان لمدة شهر لكن والله اطول شهر في...
تخطي أي أزمة في الحياة تجعلك أقوى ألف مرة وبالذات الخوف لأن الخوف كله واحد فلو عرفتي تتعاملين معه مره راح تعرفين ألف مره :) ياليت تذكرين لنا تجربتك وكيف تخلصتي منه اذا تقدرين
سعاد سول مون
سعاد سول مون
رفع