صباح الفل يا احلام شيكى على الخاص
اهلا بيكى يا هالة القمر واحنا مبسوطين انك معانا ودايما يارب وتوقيعك جميل يا هاله بس حنتفق اتفاق احنا نديكى معلومات عن الاكل وانتى تدينا معلومات عن الريجيم قلتى اية ؟؟؟مقايضة يعنى .اصل احنا نسمع عن سيرة الريجيم اعصابنا بتتعب على طول
صباح الفل يا احلام شيكى على الخاص
اهلا بيكى يا هالة القمر واحنا مبسوطين انك معانا ودايما يارب...
1- الفول بالزيت و الكمون:
يضاف للفول عصير ليمون و ملح و كمون و زيت (ذرة او زيتون زي ماتحبوا).
2- الفول بالدقة:
تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.
3- الفول بالسلطة:
تقطع طماطم مكعبات صغيرة و بصل و فلفل أخضر برضه مكعبات صغيرة و نضيف لهم ملح و كمون و خل و ليمون و نضيفهم للفول و نحط زيت و طحينة حسب الرغبة.
4- الفول بالطماطم:
تقطع الطاطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت.
5- الفول بالسمنة أو الزبدة:
نضيف للفول سمن أو زبدة حسب الطلب و بدل الكمون بنضع فلفل أسود و ملح.
6- الفول بالبيض:
نقلي البيض عادي و بعدين نضيف له الفول و ملح و فلفل أسود.
7- الفول بالثوم و الطماطم:
نقطع فصوص الثوم بالسكين شرائح بالعرض و نقلبها في السمن أو الزبدة حتى يصير اللون ذهبي و بعدين نضيف الطماطم المقطعة مكعبات و نضع ملح و فلفل اسود و بهارات و لما الطماطم تذبل نضيف الفول و نقلبه كويس.
8- صينية الفول بالبيض في الفرن:
نفس الخطوات السابقة ننفذها و بعدين نضع الفول الساخن في صينية الفرن و نكسر عدد البيضات اللي نحبه عليه بحيث يكون الصفار سليم و بعدين ندخله الفرن ونولعه من تحت شوية لحد ما البيض يستوي و بعدين نولع الشواية من فوق شوية لحد مالوجه يكون ذهبي.
9- البيض بالسجق:
نجيب السجق و نقطعه و نحمره في السمن و بعدين نضيف الفول و الملح و الفلفل الاسود.
10- الفول بالباذنجان:
لو باقي عندك شوية مسقعة أو باذنجان مقلي أو بابا غنوج قلبيه مع الفول و ضيفي ليمون و ملح و كمون و زيت بيبقى طعمه روعة.
امممممم، مفيش حاجة في دماغي دلوقت تاني يا دندونة بس لو افتكرت حارجع لكم تاني