ذكرياتي

مساء الخير بنات كيفكم وش اخباركم
كنت جالسه لحالي ومر علي شريط ذكرياتي الله ,,,,,,,,,,,,,,,,,,,,,,
ياحلو ايام اول خلونا يابنات نتذكر ايام طفولتنا وايام ماكنت الحاله الماديه الله بالخير
تقريبا يابنات من حوالي 30سنه
اول يوم كنت صغيره كان عمري 9سنوات كنا نعيش في بيت شعبي حلو بالنسبه لذاك الوقت يعني ماهو قديم خبركم كان فيه سطح والغرف تحت جنب بعض تقريبا 4غرف ودوره مياه كرمتو 2
انا وخواتي وامي ننوم في غرفه مافيها سرير أبد فرش ونشيلها في حال قومتنا
ودولاب كبييييييير مقسم لكل وحده فينا
خبركم ماهنا زود ملابس مثل الحين
ومرايه مع تسريحتها ومعلاق حلو نعلق فيه ملابسنا وعباه امي الله لايخليني
اذا جا وقت النوم فرشنا الفرش
امي احلى فراش واكبر وعندها مخده 2وريحه فراشها تجنن عطر ياخذ العقل ودخون تحب الريح الزين فديتها
وانا وخواتي اقل فراش منها واصغر مو مثل فراشها لاننا صغار ونحوسه ونتكمبس عليه
عند النوم نطفي الانوار ونولع السرايه لونها يجنن اصفر خافت ,,,,,,,,,,,,,,, بنات عندكم سرايه مثلنا
اذا قمت انا والا اختي نبغى دوره المياه اخر الليل نخاف لان كل البيت ظلام مره نقتدي بالسنه لان الرسول وصى بتطفيه الانوار عند النوم
بس نحط سرايه في الصاله وفي غرفتنا
نقوم امي فديتها تروح معنا
والله انها تقوم من غير ماتتضايق وتوقف عندنا الين نخلص
اه اه اه ياحبيلها
واذا جاء الصباح نقوم ونشيل فرشنا ونرتبها فوق بعض واخر شي نحط مفرش فوقها ارتب واحلى
اخواني لهم غرفه نفسنا تمام
الكبير منهم ينام في المجلس عند التلفزيون تخبرون الكبير غير محد يقوله شي
نرجع نكمل
نقوم بدري طبعا امي قبلنا تجهز الفطورا لي ياخذ العقل
خبز حار يجيبه اخوي من بدري
والفول والنواشف والله لها طعم ياخذ العقل والشاي التلقيمه ماكان فيه لبتن والحليب في بريق غضار طعمه يفتح النفس
والبيض وكل نفس وماتشتهي
البيض نفضله شكشوكه احلى واطعم مانعرف بيض عيون مثل الحين والا اومليت
والقرص نحطه للسندوتشات
نفطر فطور يحبه قلبكم فعلا نشتهي مره مومثل الحين كروسان ومدري ايش
طبعا ذا الحكي الساعه 10
بعد الفطور امي واختي الكبيره يشيلون المواعين ويروحون يكملون باقي الشغل في المطبخ
امي تنصب الغداماتيسروتوصي اختي عليه
تروح بعدها امي تزور جاراتها وتجلس معهم فتره الضحى ضحك وسوالف
ثم ترجع على اذان الظهر قبل الاقامه قبل مايطلعون الرجال للصلاه
تجي للبيت تلاقي كل شي مثل الورده
انا واختي تكنس البيت بالمكنسه اليدويه نغط مويه ونكنس ونغسل الحمامات اعزكم الله بشوي مطهر وشوي صابون تايد
طبعا كانت دوره المياه عزكم الله سميت ارضيتها مو سراميك
ونمسح الكمار يوم انا ويوم اختي
الكمار للي مايعرفون دولاب خشب مقسم مثل الرفوف وفيه الدلا ل ومعاميل القهوه والشاي والسكر والهيل
اكيد الكل يعرفه عندكم مثلنا كمار
اسمه اسم ممثل هندي خخخخخخخخخ
تجي امي تشوف البيت يلق لق نصلي الظهر ثم نطلع شوي عند البا ب والا نصعد السطح
حاطه انا واختيعلى احدى جدران السطح مفرش كبير مخلينه مثل البيت وفرشه صغيره
بساط خفيف نلعب بالعابنا عباره عن
خشب ملبسينها قطع اقمشه ناخذها من الخياط الي على ناصيه الشارع يحليله يعرفنا اسمه محمد اذا رحنا له على طول يعطينا بقشه فيها قطع خرق الي هي اقمشه
نلبسها عرايسنا الخشب ونخلي ايديها عيدان كبريت ونلف عليها عشان تمسك مغاط والا قطع اقمشه سخيفه مره
ونرسم عيونها وفمها بالقلم
والرجال نلبسه قماش ابيض وقماش شماغ من باقي شمغ اخواني
والسياره تخيلو ,,,,,,,,,,,,,,نعله اخوي الكبير لان رجله كبيره الله يحفظه
الاب والام قدام والعيال ورا
وبيتهم سحاره برتقال نقسمها ببواقي كرتون
السرير كرتون صابون تايد نلبسه قماش والمخدات نحشيها قطع اقمشه والدولاب كراتين عطور
عشان شكلها يجي مزخرف وحلو
نلعب نلعب الين وقت الغدا
نتغدا ونعين خير
نصلي العصر ونساعد اختي بعدين في الشارع مع بنات الجيران الى المغرب او بين عشيوين والله مايردنا الا الحاره الثانيه
امن الحمدلله ولا نخاف الا من الله
بعدين نرجع لبيوتنا نلعب شوي خطه في الحوش ايه نسيت اقولكم عندنا حوش
يهبل فيه شجره تينه كبيره معلقين فيها حبل ومسوين مرجيحه
نحط على الحبل مخده وسجاده قديمه ونتمرجح الين نمل
بس الوالده الله يرضى عليها قطعتها وحلفت منسوي غيرها
لانها نادتنا مره وعصيناها
يعني عقاب رادع
بس عوضنا بالدبق تعرفون يابنات الدبق
هذي بعد لعبه قديمه عباره عن مجموعه خرز اشكل واللوان نجمعها في علبه حليب او علبه حلاو الله واكبر اول مانشوف علب الحلاو الكبيره ماكنتوش الا من عيد لعيد بس عليه طعم واوووووووووو
المهم نلعب مع بنات الجيران والا انا واختي بالدبق الين ندوخ
ثم نتعشى ثم نجلس شوي خلاص الليل سكن
ثم على الفراش
ومثل اول مابديت نولع السرايه ونطفي الانوار ونسمي الله وخخخخخخخخخخخخخخخخخخخخخ نوم
بس حقيقه يابنات والله وانا اكتب طاحت دوعي على ذكرياتنا اول كل شي له طعم النوم القومه الاكل كل شي
الحين كبرنا والكل نزل لحاله والكل تغير عن اول
هاه وشرايكم في ذكرايتي
خبروني يابنات عن ذكرياتكم اول
الى اللقاء في ذكريات اخرى