مساعدة و استشارة ضرورية بتنجيد كنب

اذا امورك ماتسمح خليه شكله نظيف وحلو لونه بس حطي خداديات مثل برتقالي وبيج وبني لان التنجيد غالي مو رخيص والسجاده خليها ساده برتقالي مثلا عشان تكسر اللون وتعطي حياه والبنات يفيدوكي ان شاء الله

أشوف لو انتي كارهتنه لا تخلينه :) غيريه ومش لازم يكون شي غالي ..
تقدرين تشترين غرفة كاملة من ايكيا بسعر معقول مع اكسسواراتها
جمعتلج لوحة أفكار هنيه والسعر ع كل شي :




- الكرسي الطويل حرف L مناسب طولة تقريبا مترين ، مب لازم يكون الاثاث مالي الغرفة الجمال فالبساطة وبالعكس بيعطي متنفس وبيكون المكان شرح ... الحلو فيه انه ينغسل بالغسالة يعني عملي وبعد فترة تقدرين تغيرين التلبيسة ماله لانهم يبيعونها ألوان منفصل تقدرين تشترين وتغيرين عقب عدة مرات .
- الكرسي البني تحطينه ع الطرف يا تحطين كرسيين أو كرسي وتحطين مخدة للظهر ومخده تحت بيخليه مريح ومفيد فنفس الوقت .
- الطاولة اللي ع الطرف البيضا أنيقة وبسيطة وغير مكلفة تقدرين تصبغينها أسود أو ذهبي لوحدج فالبيت برش .. بسيط وشفت وايد يلعبون بلونها فيوتيوب فعندج الحرية فيها والطاولة اللي فالنص اسود عشان تبين الألون الثانية.
- الستارة تقدرين تشترين لونين تحت تحطين الدانتيل من عندهم والستارة اللي فوقها لون تقريبا 100 بتطلع مع التعليقه اللي يعلقوبها ع الييدار الحديد .. يمكن 200 يطلع
- السجادة والمخدات يعطن لون وحياة للطقم + الشرشف البنفسجي تفرينه بشكل عشوائي ع الكرسي يعطي رونق زيادة.
- اقترح تخلين لون الغرفة ابيض او تصبغينه اوف وايت أو رمادي فاتح .
- تكلفة الغرفة بدون المخدات 2297 (يعني تزيدين ع سعر الكرسي اللي تبين تشترينه 797 وتكون عندج غرفة كااملة)

يعني الايجابيات اكثر من السلبيات وفنفس الوقت التغيير حلو :)

بالتوفيق حبيبتي وان شاء الله نكون افدناج :kiss2:

شكرا للكل اللي ردوا انا من الجنوب مااعندي فرع قريب ل ايكيا ..
حاليا ابجهزز البيت من كل الاغراض و ناس يقترحوا تنجيده لتوفير الفلوس و ناس يقولوا غيريه .. لااان زوجي اشترى اثاث شقة و من ضمنها هالكنب .. ف محتتارة كم تتوقعوا تنجيده .. حدود 1500 او لا
لان ميزانيتي للكنب 1500 و ي اخذ غيره كنب مستعمل نظيف ي انجده ..وشكراا

انا نفس مشكلتك عندي كنب وميزانيتي ماتسمح اغيرو ١٥٠٠ ماحتجبلك جديد
نجديه اسعار التنجيد تختلف انا مجربه المدينه ومكه وجده اكتشفت انو ١٥٠٠ في جده تقدر تنجدي بيها
انت في الحنوب المشكله
يعني الحل روحي بنفسك للمنجد واسأليه احنا ماعندنا خبره .. والقماش انت اشتريه يطلعلك ارخص من انك تاخديه من عند المنجد مري ع القثمي اذا عندكم مسوي تخفيضات ٨٠٪
وربي ييسرلي ويسرلك ويفرج عنا جميعا

خذيه ببيتك الجديد وحطيه بالملحق اذا مسوين واحد او خليه بالصالة الين تتعدل احوالكم وما انصحك تنجدينه لانها خساير لو انه خشب وحفر اصلي كان اقول نجديه بس خسارة قيمة التنجيد جيبي كنب جديد