اليوم بكتب لكم طريقه المعكرونه الخضراء بالصلصه البيضه والمشروم
ترى الاكله رووووعه وسهله وماتاخذ منكم 10 دقايق
وطبعا ممكن تستغنون عن المعكرونه الخضراء بالعاديه
بس حلاتها المعكرونه الخضراء ,, والمقادير هي لشخص واحد
المقادير
كوب معكرونه
بيالتين حليب المراعي طويل الاجل
بياله كريمه بيضه جاهزه
ملح
3 حبات مشروم
فلفل اسود مطحون
نصف ملعقه صغيره زعتر
ملعقه طعام جبن كرفت
الطريقه
اول شي نخلي المعكرونه على النار تستوي ,, مع اضافه الملح وشويه زبده
في هاي الوقت نقلي المشروم بعد ما نقطعه جوانح
لما تستوي المعكرونه ونشخل عنها الماي نضيف لها الحليب والاكريمه والملح والفلفل والزعتر حسب الرغبه
وبعد 5 دقايق نظيف المشروم ونترك المعكرونه على النار تستوي لين ما نشوف المعكرونه متجانسه مع الخلطه وفي الاخير نضيف لها ملعقه الجبن
وفي العافيه
