لكل من لديها خبرة في العدسات الملونة أو تحبها تدخل تساعدنا بارك الله فيكم

السلام عليكم ورحمة الله وبركاته

كيف حالكم يا بنات عسى الأخبار كويسة مع إن أخبار الجزيرة ما تسر بس ما
نقول غير الله ينصر الشعب الفلسطيني على كل ظالم ..آمين :(
خلوني أدخل في الموضوع على طول
أنا وأختي نبغى نشتري عدسات ملونة على شان يوم فرحها

بس هذي اول مره نشتري فيها عدسات ومو عارفين كيف نختار اللون ,
الي راح تحطلها المكياج قالتلها تاخذ اخضر على عسلي او اخضر على رمادي
ابغاكم تقولولي نروح المحل نقله ادينا اخضر علي عسلي وبس ولا فيه الفاتح والغامق
ولازم نختار من بينهم , لأن في وحده قالت جيبي فاتح لأنك إذا جبتي غامق يصير فاتح مرررة
والفاتح يصير غامق ولونو حلو يا بنات إيش رايكم ؟
على فكرة هي لون عيونها بني غامق مره يعني مايل للاسود و لون بشرتها حنطي فاتح

طيب يا بنات عندكم فكرة السمر إيش يناسبهم أي درجه أنا لوني أسمر فاتح وفستاني
لونو عسلي وذهبي, أبغى أشتري عدسات عسلية بس خايفه يكون ما يناسبني
إيش رايكم أي درجه من العسلي يناسب السمر

وجزاكم الله خير في الدارين
وشكرا