تحذير هام من ------------- موضوع هام

العناية بالبشرة

أحب أحذر من عمليات التجميل يا بنات لنها هالفترة وايد بدأت ترخص بقولكم قصة أختي الصغيره عمرها 24
الله يهديها راحت تسوي أنفها عند دكتور مشهور على مستوى الخليج بدبي ولما خلصت العمليه صار خشمها نفس مايكل جاكسون والعياذبالله وتعرفين الوحدة لما تدفع فلوس على شي تافه لازم تقتنع مع ان الكل ما عجبهم إلا هي ضلت مقتنعه وبعد شهرين من العمليه وهي بعدها تنزف من خشمها دم ناشف وسائل ونحنا نستغرب وهي تقول عادي
ولما راجعت الدكتور قال لا مستحيل وما عرف شو المهم ضربوها إبرة وقفت النزيف
بعدها بإسبوع رجع النزيف
أتصلت مس تجميل (أختي ) على الدكتور مال هيفاء وهبي بلبنان طبعا هذا قبل الحرب بوايد إسمه جون عوين وقالتله السالفه كذا وكذا ولسه ينزف بس ما قالت إنها خذ إبره
قالها الدكتور مستحيل المهم قالها أقرب طيارة نازله على لبنان تحجز تذكره لنه الموضوع ما ينسكت عنه المهم وقالها لو رحت أي مستشفى لا تاخذين أي أبره قالت له تبغي الصدق خذتها قال لها عيل أقرب طيارة تجين فيها
المهم الحلوة راحت للبنان وسوت ترميم كنت مرافقه معها والله لا يرويكم شو سوو فيها وقت العمليه خشمها وص جبهتا وتموا يرقعون
المهم تبغون الصدق العمليه اللي سوتها بلبنان نتيجتها روعه يعني تحسن شكله وايد بس المشكله لو حد تمصخر معها بخشمها يعورها وااايد وما تقدر تخاشم أحد
الذكيه ما تابت راحت لبنان مره ثانيه بعد أسبوعين مع ريلها ونفخ شفايفها وخدودها
تعرفون كيف صارت تتكلم
شفتي كيف يوم يكون بالتلفزيون الصوت يوم يسبق الصوره كذايعني كأنه مش هي اللي تتكلم
وبعدها سوت بالأمارت تبييض أسنان وتقويم وللأسف أحس أنه يوم تتكلم ينعوج فمها كثير
يعني صارت حلوه صح بس وهي ساكته أما يوم تتكلم أو تعصب أو يعني تتهيج تبين خسافتها
الله يسامحها
والحين بعد الحرب تبا ترد تسوي نفخ وما عرف شو مب قادره تروح
لذا نصيحه
كل وحده تحاول أنها تبتعد عن هذا المجال ولو كان عندها هوس بها الشي يفضل أنها بدل ما تروح لعياده تجميليه تروح لعيادة نفسيه
28
2K

يلزم عليك تسجيل الدخول أولًا لكتابة تعليق.

تسجيل دخول

باريس هيلتون
باريس هيلتون
أدعو لها بالهدايه
مصممه متميزه
مصممه متميزه
الله يهديها خلقة ربي حسنه بعباده
UAE_QueeN
UAE_QueeN
الله يهديها..
انصيحها ترى مب زين..
وخلاص هي جربت مره ماله داعي تجرب مره ثانيه..كفايه اللي صار..عن يخربولها شكلها اكثر..!!
هلاليه سدير
هلاليه سدير
لا حول ولا قوه الا بالله ,,

بصراحه لاحد يسوي عمليه تجميل الا اللى مشوهه او منكسر خسمها من حادث او شي

اما تروح وتسوي على كيفها فـ مالها داعي

ربي خلقك على احسن هيئه فـ ليش تخربينها

الله يهدينا وياهم
irados
irados
السلام عليكم ورحمة الله وبركاته
اختي العمليات التجميلة حرام حرام حرام لأنها تغير خلق الله
وحتى نفخ الشفايف والخدود حرام
لم لا تقبل كل واحدة بشكلها وخلقتها التي خلقها الله عليها
لا حول ولا قوة إلا بالله والله يهدي الجميع على أنفسهم