الله المستعان علينا حنا يا الحريم

يا شيخة ماضي وراح في حاله بعدين اكيد مراهقين وطالعين برا بيستهبلون شوي

وانتي بنفسك تقولين انك طول الست سنين ماشفتي شي ضايقك طيب ليه تعكرين مزاجك

ويمكن تفتحين باب كان مسكر من زمان

طيب باقول لك على زوجي ايام كان يدرس الجامعة جمع له من مصروفه ومن مكافآته وطلع مصر

ام الدنيا آنذاك وراحوا كازينوهات ومراقص وحضروا مسرحيات وشفت صور للرقاصة

من بعيد طبعا مصورها على المسرح وهي ترقص على حبة ونص بصراحة ذاك اليوم قومت الدنيا

وما قعدتها وقعد يقول لي طيب رحنا مصر وين نروح اكيد بنروح مرقص

وقعد يقول ماضي وراح ومن هالكلام قمت انا واخذت الصور وحطيتها في البانيو وجبت ولاعة

وولعت فيها كل شي قدامه قال ليه ذكريات قلت من جدك تبغاها قال لا عادي اصلا كنت

ابغى ابعدها من زمان قلت ايه انا لها وياستي صارت ماضي وزوجي من يوم اخذته الى اليوم

عمري ماشفت عينه راحت كذا والا كذا ولا عمري شفت عليه شي بطال فتناسيت الموضوع كله للابد

انسي لاتكدي على حالك وماكذب ونكر اعترف يازين اللي يعترف بلاك اللي مايبن وش يسوي وكتوم وغامض احمدي ربك كل وحد له ماضي

والله الشيطان ملقى مدخل في حياتكم الا هذا المدخل بيدخل معه ويخرب بيتكم

وانتي وش لك بالمشاكل وتنغيص حياة زوجك خلاص ماضي وانتهى وعفى الله عما سلف

والله لو انه منغص حياتك وموريك نجوم القايله كان ماقلتي ماضي وما فكرتي فيه

معليش اختي والله من خوفي عليك لا تهدمين حياتك بيدك عشان ماضي