.
طبعا كل وحده فيكم تحلم انها تتزوج الزوج الصالح ويعيش الحياه السعيده ويجلبون البنين والبنات
والاولاد تسميهم باسامي حلوه ويطلعون حلوين كل يوم انه طالع شبه مين .. ويبونه يطلع رجل فيه كل معاني الرجوله والشهامه والدين !!
لكن في النهايه
وفي هالعصر
يطلع جنس ثالث
راعي صرف .. لا شهاده .. دجه .. ويمكن زقاير وزنا ومحرمات بعيد عنكم وعنا !!
هذا اذا ما لبس لبس حريم وحط مكياج بعد !!
بتسإلون ليش ؟؟؟ احنا ما قصرنا ؟؟
لان احنا ننتقد ابائنا على شغلات اهم ما سوها لنا .. وبصوره غير مباشره نقصر في عيالنا واحنا في نظرنا ما قصرنا
.
انا ما راح استلم البنات
انا همي الاكبر .. الذكور
الرجال
الي صاروا عمله نادره جدا جدا جدا !!
لان مب كل من ربى شارب وطول ولبس ثوب وغتره رجال !!
الرجال اخلاق وطباع وشخصيه !!!
..
قريت مواضيع كثير في هالمجال .. وان شاء الله استفيد
مثل ما انا قاعده افيدكم الحين !!!
وما ابي منكم الا الدعاء الصالح !!!
.
في شغلات لازم نطبقها... لانه ولد مو بنت !!!!!
وهالشغلات تبتدي من قبل ما يتعلم الكلام حتى احسن !!!
لان اول خمس سنوات من عمر الطفل هي الي تحكم شخصيته بعدين واطباعه !!!
فحاسبوا على كل شئ !!
............ ......... ......... .......
""الكنيه
يعني .. بدال ما تنادونه "دودو" ولا "بوبو" ولا "حمادي" ولا " صلوحي "ولا "ميمو" ...الخ
نادوهم باساميهم وكنياتهم"ابو محمد " , " ابو اليزيد" ,"ابو شهاب" ..الخ
لا تقولون طفل وما ادري وشو ... لان بكره مع الكبر ما يحب اسمه قد ما يحب ينادونه "ميمو"
.
حتى سالفه "عبود","حمود","سلوم" هاذي شيلوها .. احترموه علشان يتعود على الاحترام ويتعلم يحترم نفسه هو بعد !!
............ ...
"اخذه للمساجد والمجالس مع الكبار "
بتقولون لا بيغثنا ويغث أعمامه ولا خواله خليه يلعب بلي ستيشن ... لأأأأأأأأأ!!!!!!!!!
والمسجد ... لازم يروح مع ابوه كل يوم .. حتى لو على الاقل صلاه الجمعه لحد ما يتعلم الصلاه معاهم ولو نص نص !!!
خليه يروح يتعلم ان في شئ اسمه عباده ومسجد ويتعلم احترام المساجد والصوات ويسمع الخطبه!!!
ولازم يعلمه ابوه الادب والقعده شلون اهناك !! هذي مسؤوليته !!!!
............ ...
"نحكي لهم القصص عن بطولات السابقين في المعارك الاسلاميه وغيرها "
بدال ما نقص عليهم عروس البحر والجميله والوحش !!!!
ما في احسن من قصص الانبياء والمجاهدين في سبيل الله والغزوات ..
ممكن تقصونها عليه باسلوب يناسب عمره .. وتبتعدون عن المصطلحات الصعبه !!
علشان يتعلم منها ويعيش جو الرجال والشجاعه وقوة الايمان !!
إذا كنت مو حافظ القصص هي متعه وافاده اقروا قصص وثقفوا انفسكم في دينكم وحياتكم بالمره !!!!
............ ....
"تعليمه احترام الكبار والادب معهم"انه يحب راس الكبار في السن وشلون يسلم على امه وابوه ويحب يده وراسه ودق خشم
وإذا في أحد كبير دخل المجلس يقوم من مكانه ويوسع له ويسنع له ويخدمه ويقهويه من وهو صغير ويصير سنااافي!!
وان مر على أحد يسلم .. وان دخل على مجلس يسلم ..الخ
............ ....
"اعطاء الابناء قدرهم في المجلس"
يعني في ناس يستهينون به كونه طفل
بدال ما يعاملونه ككبير علشان يصير كبير فعلا ورجال يفهم !!
فيطردونه او يسخرون منه وكذا .. وهالشي غلط !!!
الفروض كل أب يحترم ولده ويقدره ولا يرضى عليه انه ينهان في المجلس حتى من قبل جده او عمامه !!!
ولا بيظل طول عمره منهااان !!!!
............ .....
"تعليمهم الرياضات الرجوليه"
مب كمبيوتر و خرابيط << وين المرجله في الموضوع ؟؟
القصد فيها الرمايه .. ركوب الخيل .. السباحه... القتال ..
هذي الشغلات الي تبني الرجال !!!
مب واحد داخل المجلس يفتخر ان ولده شاطر في الكمبيوتر
وشو بكره ان احتاجوه في الشده بيقعد يرمي مثل الخكاريه اقراص على اعدائه ؟ خخخخخ
الرسول صلى اله عليه وسلم وصى بهالشئ بعد!!
وكانوا قبل الامرا ء والملوك وسادة القبيله
اول شئ يتعلمه الولد : القرآن .. بعده الرمايه والسباحه وركوب الخيل والقتال !!!
مب الحين .. بالدز يادوب كوره ومدرسه !!
............ ....
" تجنيب الابناء اسباب المياعه"
الحياه مب مدرسه وجامعه وبعدها يدور على الوزارات يالله بالواسطه وظيفه حكومه !!
لأ
خليه من هو صغير يجرب الحياه يروح مكتب ابوه يشتغل في الصيف ووقت الفراغ ..
ينتج شئ مو سفرات ومولات !!
في امهات واباء يضحكون لما يشوفون اولادهم يرقصون او يتمايلون حتى من اهم صغار
هذا غلط
ما في شئ اسمه "لا صغير ياحليله ما يفهم"
وبعض الامهات اذا الولد حلو شوي يلبسونه شباصات ويحطون له مكياج وثياب بنات مزحه !!
وهالشي حرام .. لاتقولون ما يفهم !!!!!!!!!!
............ ......... ....
" تجنب تهينه جدام حد ثاني .. حتى جدام خواله او عمامه "
قوي شخصيته قدامهم.. تفاهمي معاه بعيدين بينك وبينه
كثير امهات واباء اشوفهم اذا فشلوه قدام أحد يعني بيتعلم .. وهنا ممكن يتجنب فيها الفعل الي هاوشتيه عليه لكن انتوا ا تدمرون شئ ثاني انتوا مو شايفينه !!!
............ ......... ...
"عدم احتقار افكاره .. وتشجيعه على المشاركه وتحسسيه بقدره واهميته"
هذي ما يحتاج افصل فيها .. مفهومه ..
انا شفت هالشئ من اباء وامهات ومن خوات واخوان بعد .. وهذا غلط كبير كبير!!!!!!
لازم تحسسونه بقدره واهميته في المجلس وفي البيت !!!
علشان يحس انه مسؤول ويتعلم المسؤوليه ويدير باله على نفسه وعلى الي حواليه ويفكر بعقل اكبر .. بدال ما يتكل على غيره ولا مبالي بشئ في حياته!!
ممكن كبدايه تسلمونه مسؤوليات بسيطه تناسب سنه !!
ولازم تحترمونه .. بانكم تسلمون عليه وتستشيرونه فيما يخصه وفي بعض الشغلات المنزليه
ممكن تعلمونه كتمان الاسرار بانك تكتمه على سر بسيط معين علشان يحس بقدره وانه مهم لان امنته على هالسر!!
............ ......... ......... .
" تعليمه الجرائه في الشغلات الصح "
لان في فرق بين الجرائه والوقاحه
والله بالخير ياكثر الوقحين في الشارع .. صاير الذرب مثل الفقع في الصيف !!
ممكن تعلمونه فن الخطابه وشلون يتكلم نيابه عن ربعه او عن مشكله او في المدرسه
بدال ما يستحي ويضحك على ربعه الي يتكلمون واهو منخش ورى الكرسي !!
............ ......... .......
"الاهتمام بالحشمه في ملابسه وتجنبه الميوعه في الازياء وقصات الشعر والحركات والمشي وتجنبه لبس الحرير الذي هو من طبائع النساء"
............ ......... ......
"تجنيبه الدلع وحياه الكسل "
اشغليه بالمسؤوليات .. اعطيه مهمات .. ولازم الاب يتولاه ويعلمه شغلات جديده في الحياه !!!
............ ......... .......
" تجنيبه القعدات البطاليه والغنائيه لانها ما تزيد للرجوله ذره.. الا تنقص منها "
............ ......... ....
" استقصوا عن اصحاب واصدقاء ابنائكم "
اعرفوا من يخاوي بتعرفون شلون بيصير !!!!!!!!
وهذي مسؤوليه الاب 100 %
............ ......... .......
............ .....
وفي النهايه
اتمنى اني افدتكم
"من إيميلي"