اريد مساعدتكم في توعيه

تعطيهم مطويات دينيه وتجلس معهم وتنصحهم؟؟والله يعينها كثرت هالعينات

مشكوره ياقلبي على الفكره

ماينفع غير نشاط كامل بس هذا يحتاج فزعه ماديه وأهل الخير كثير وبإذن الله تنوي وتعزم وتبحث (مدرسات داعيات إذا تعرف حريم عندهم خير من ربي تفاتحهم بعد مايكون عندها تصور كامل وخطه مدونه بالفكره وتكاليفها وتخليها على مدار ترم كامل -وممكن تتواصل مع دعاة عن طريق أحد محارمهاوبدورهم يتواصلون مع تجار يحبون الخير ويفزعون له )ترى هالبنات بصلاحهم بإذن الله يصلح جيل وهالنشاط لازم يكون متصل .
إذا في المدرسه مصلى كبير أو في الساحه ولو الساحه ميب مظلله لازم تتظلل ولازم زل لزوم القعده ومجموعه صوتيه مايك ومكبرات -جهاز عرض ولاب تحط عليه شغلها وممكن هالشغله يساهمون فيها المبدعات من بنات عالم حواء ويقدمون لها الشغل جاهز مواد معروضه بطريقه فنيه فيديوهات أناشيد واليوتيوب مليان ممكن تسوي تجميع وتنسق المواد مع بعض (ممكن تستعين ببرامج الأستاذ عبدالله الداوود وله كتب وبرامج منها برنامج الصورة المائله -مواد للشيخ ابراهيم الدويش -وأهم مافي الموضوع الترتيب والتنظيم لأن الأفضل يكون الشغل لترم كامل وهذا ادعى للإقتناع وأثبت للأمر في النفوس ) تدعواشخصيات نسائية منها د/ريم الباني -د/نوال العيد-د/ليلى السابر -د/عواطف الخريصي والمصممه ساره بكر..وإذا ماتمكنوا بعضهم من الحضور تستأذنهم في عرض مواد صوتيه لهن على الطالبات في حال توفرها ممكن تكون متوفره بالنت ،أو تستعين بمايغطي الموضوع من كتاباتهن بالنت .
تسوي توزيعات بشكل رايق وعصري يجذب الطالبات -تسوي مسابقات .
ممكن تسوي أركان وتحط في الركن توزيعات مثلا بشكل ممر بحيث تمر البنت إجباري (موب قصدي يجبرونها الطريق هواللي يجبرها)تمر على التوزيعات وبعدين على ركن الكوفي والكب كيك أو المافن طبعا لو كانت في قريه نائيه تحط كل شي حسب المتوفر خصوصا الأشياء اللي مثلا ممكن يصعب جلبها .
تطرح مسابقه وطريقتها أنها تستقبل أفكار الطالبات وتشوف إبداعاتهم ومدى تفكيرهم حول الموضوع نفسه تصميم خواطر
توزيعات القاء وتخليهم يتفاعلون معها طبعا جوائز هذي المابقه تكون بنهاية الترم وقت التكريم وتكون بشكل سحب.
يوضع نشاط يتم فيه دحض الشبه حول الحجاب بشكل واضح وسلس بحيث يستوعبون ويقتنعون ومايملون -وفي البدايه ينوه انه راح كل وحده راح تنال هديه لحظورها هالمجلس ويذكرن بعظم مجالس الذكر وفضلها وهالهديه راح تكون عباية راس مسكره وواسعه وقماشها مايلمع ولايشف ممكن تكون العبايه بطقاق أو مسكره، ونقاب طويل وظافي وساتر وقفازات وشراب طبعا هذي العبايات تحتاج لقياسات وهنا يستعينون بحرمه تخيط العبايات وتجي في يوم قبل وتاخذ قياسات البنات مع أسمائهم وتظبط لكل وحده عبايه وتترك يفاجئون بتوزيعها عليهم في اليوم اللي خصص ونظم للتوزيعها .
الصلاة كذلك محتاجه للبرنامج متكامل والأولى البدء فيها وأول شي يعتنى بالمصلى يوضع له فرش نظيف ومكنسه وطالبات يعتنون بنظافته وتطييبه ويوضع صندوق فيه أجله للصلاة ويوضع أرفف لوضع المصاحف ويوضع حلقات يتم التعاون فيها بين المعلمات والطالبات.
زينة المرأة أحكامها .
هذي المواضيع وأولها الصلاة أحس كلها تحتاج ترم كامل يعني كل ترم يتم تغطيته أحس كذا تكون النتايج أفضل وأعمق والتوعيه لهم بتكون بشكل أكبر وأنتي استشيري وشوفي إذاممكن دمجها بترم واحد مع الإحتفاظ بالمحتوى لكل منها بدون الإخلال والتقصير فيه .
والله يوفقك هذولي البنات لو تغيروا هذا اللي نرجيه من ربي للأفضل راح يتغير مجتمع وأجيال للأفضل وهذي وسائل تعز الدين وأهله والله يكتب أجرك.

الشيخ محمد المنجد والشيخ عبدالعزيز الطريفي والشيخ خالد الراشد النت مليان مواد تستعينين فيها والله يوفقك.

واتمنى لما يكون فيه اناشيد تكون خاليه من الإيقاع والمؤثرات وإذا مافيه جديد خالي أرجعوا لللأناشيد القديمه .
واستعينوا بالثابت من السنه والصحيح ،وكذلك آيات كتاب ربي الكريم بتلاوات جميله وأصوات مختلفه .