مصدومة في ابو زوجي

سلام عليكم
عاوزة اخد رايكم في موضوع.
انا وجوزي واهله عايشين برا البلد ومن فترة كدا حمايا عمل شنطه وحجز طيران وقال انه رايح بلدي عند اهلي اجازة يجي 20 يوم. احنا استغربنا خصوصا انه رايح من غير حماتي بس قلنا مفيش مشكلة حينزل عند اهلي والوالد اخد اجازة عشانه عشان يمشيه ويعمل معاه الواحب ويتفرغ له خصوصا لانه حما بنته. في الحقيقة احنا استغربنا خصوصا انه كان مصر يروح من غير حماتي وكمان هما انحرجو انه حينزل في بيت نسايب ابنه يعني حسوها ثقيلة شوية بس انا قلت لهم بالعكس ده بابا حيفرح بيه ومش حيقصرو معاه وفرحانين بيه.
المهم انه ماما حكت لي من يومين بس حصل ايه فالزيارة دي مع انهم ماكانوش عاوزين يحكو لي.
ا
حمايا كان بيطلع مع الوالد على طول يروحو المسجد ويروحو يتمشو شوية ومشاوير وكدا. جت فترة بقى بابا لاحظ انه حمايا بيحاول يخرج لوحده او يحب يروح المسجد لوحده او يروح مسجد ثاني ... اهلي قالو مش مشكلة عاوز يطلع بحريته عادي ماهو مش طفل واحنا حنراقبه. بعدها بيومين جا حمايا يقول لبابا انا عاوز اتجوز ولقيت بنت الحلال وعاوزك تروح معي اخطبها بابا انصدم صدمة عمره وتفاجأ وزعل وتفاجا جدا وكأنه حد صب عليه مية قالو ليش ياحج وازاي وامتى. اتاريه في الفترة دي اللي كان بيختفي تعرف على حد في المسجد ووداه للبيت و اخته كبيرة يعني في نهاية الثلاتين كانت تجهز لهم القهوة مطلقة وهو قال عاوز يتجوزها. انا بابا رفض وقاله اسمحلي مش حقدر اروح معاك اي مكان ولو اصريت على هدا الزواج حكلم ابنك اللي هو جوزي .
بعدها بيوم كدا اجى قال لبابا لاخلاص الموضوع هداك انتهى انساه وياليت ماتقولش لحد. بس طبعا امي كانت عارفة وقالت لي .
انا دلوقتي اعمل ايه اقول لجوزي ولالا؟ خصوصا حمايا من النوع اللي دايما يتكلم في الجواز ودايما عنده هدا دا الهاجس وحاسس انه لسة شباب ورياضي مع انه في السبعين بس مش راضي يعترف. اخاف يعرفو من مكان تاني وجوزي يزعل اني ماقلت مع انه صعب يعرفو بصراحة لان الموضوع اتلم بسرعة وكمان خايفة اقوله واصغر بابويا لان حمايا وصاه انه الموضوع يفضل سر بينهم. وكمان عاوزة اقول عشان لو مرة تانية حب يجي يوقفو له ويعارضو اخاف يجي تاني ويروح يتجوز ويعمل لي انا مشاكل تقول حماتي راح بلدها وجوزوه هناك وتكرهني وتكره اهلي. مع العلم اهلي اصلا ماعندهمش ثقافة التعدد وشي عيب وغلط حتى لو مرتاحين ماديا كل واحد مكتفي بزوجته وبابا مسكين انصدم وقاله الست الحجة ست فاضلة ماشفنا منها الا كل خير ليش عاوز تجرحها بعد هدا السن والعشرة وكمان تحطنا احنا في موقف محرج معها باختصار كان مصدوم وزعلان من تصرفه.