وش اسوي ؟؟ يسمه ملاك وباقي المخطوبات):

مراااااحب ياعساكم بخير يارب
ورجالكم بعافيه وزياده محبه
.
.

حبايبي انا ملكت من فتره وكل اللي جلسناه مع بعض عشر دقايق ماطولنا ابدا ولا كنا بلحالنا مع انا ننتظر هاليوم من سنين وسافر ثاني يوم

هو بمدينه وانا بمدينه يوم الملكه امي قالت ماعندنا روحات وجيات وصارت مواقف كثير تقهر اللي صار الحين ان صور الملكه طلعت واليوم فاجأني يقول الاربعاء حاجز الصبح والعوده العصر ابوي مسافربس احتمال يجي الاربعاء بالليل او الخميس
مو غلط انه خطيبي يجي وابوي مسافر؟؟؟ هذا شي الشي الثاني هو معشم انا بنشوف بعض مو معشم مره بس يقول ان شالله عندي امل لو 5 بالميه وانا حاسه امي بتقول لا او بتتصل على ابوي تسأله ويقولها لا
او بتصير سالفه مع انه اغلب البنات بالعايله يقابلون ازواجهم بعد الملكه وامي خريجه علم اجتماع وابوي مثقف بس مدري ليه راكبين روسهم بهالموضوع بعد مواقفهم يوم الملكه معد عندي امل وانا فشله بدال ما اكون مستحيه اقعد اناقر واعصب عشان اجلس معاه المشكله انه ولد خالها بس ابي طريقه شلون اخليها توافق خطيبي يقول لاتعلمينها اني جاي الا الثلاثاء بالليل عشان مايمديها تفكر ونفاجئها احسن وانا اقول يتصل على ابوي احسن ويعطيه خبر ومدري وش احسن ولو بقابله بيكون ظهر لانه العصر راجع اكيد بيجي يتغدا بكون اول مره بعد الملكه اشوفه جهزت لبسي (معشمه بنت الحلال) وفكرت وش اسوي بشعري بعد بس مدري شلون بيكون الوضع بنتقابل او لا (ودي اصيح)

والله احس هالشي يغير كثير ويقربنا لبعض وش بيصير يعني لو جلسنا مع بعض مو زوجي شرعا ):