ph.mooona :

اقسم بالله كنك تتكلمين عني انا عندي بنتين وكلهم كنت اتمناهم اولاد عشان افتك من التفكير بالولد والان حامل بالثالثه وعملت بالاسباب بدقه مع كذا كلهم اكدوا لي بنت خاص وحكومي احس نفسي مو مصدقه مدري ليه اول شيء تحريت الاباضه وماصار علاقه الا بعدها وبغسول وثاني شيء كل شيء يختلف بحملي عن بناتي والامل بكون لاخر لحظه وكنت ادعي الله يوميا بالسجود والترويح حتى جاء موعدي بالحكومي قالو لي بنت قبل اسبوع هنا وقفت استغفر الله عن الدعاء بالولد مدري صح او خطاء او اختبار من الله رغبتي كانت قويه بهذا الحمل وزوجي للاسف مايكلم بناتي الا اخوكم بجي واخوكم بجي وانا اقول خلاص اقتنع انها بنت وش فيك تتكلم اخوكم اخوكم قل اختكم والله يصب في قلوبنا الرضا بقسمته ورزقه صباً وصرف عن التفكير بالولد الحين افكر اطول بعد هذا الحمل امي تقول احملي جيبي الولد وانا اقولها تكفين يامي خليني ارتاح من التفكير هي بنت او ولد الحمدلله الحمدلله الحمدلله

اقسم بالله كنك تتكلمين عني انا عندي بنتين وكلهم كنت اتمناهم اولاد عشان افتك من التفكير بالولد...

ام الاشبال السته :

السلام عليكم اسعدالله يومكم انا حاسه بك اختي واحساسك وماالومك لاكن اعرفي ان الخيره فيما اختاره الله وان الله اخر لك الولد لحكمه منه سبحانه فلاتهتمي اللي رزقك بالبنات بيرزقك بالولد الله رحيم بعباده يعرف اللي بانفسهم ويرحمهم ادري انك تحبين بناتك وبنتك ذي بتكون بالدنيا واحساسك جدا طبيعي بس ارضي عن قضاءالله وحق عليه ان يرضيك واقول للجميع تراها ماهي كارهه البنات لاكن ربما تكون تتعب من الحمل اوتبي الولد سندلبناتها اوعشان تسكت احد عنها حنا ماندري وش ظروف الناس عشان كذا مولازم نهاجمها هي تكتب تبي دعوه ومجرد فضفضه اسال الله ان يرزقها ويرزقني وكل من تتمنى ولد صالح صحيح معافى تام الخلقه

السلام عليكم اسعدالله يومكم انا حاسه بك اختي واحساسك وماالومك لاكن اعرفي ان الخيره فيما اختاره...

حآجه ثآنيه :

اللي يربي 3 بنات واكثر ويحسن تربيتهم يدخل الجنه وانتي تبكين ماتبغينها تكون بنت ؟ كأنه ربي كتبلك سبب من اسباب دخول الجنه وانتي رافضته ؟ تخيلي هذا الشي ربي عطاك سبب لدخول الجنه انتي وزوجك بترفضونه ؟ هذا السبب هو بنتك الثالثه هذي! ماعليك من الناس كلامهم لا يودي ولا يجيب حتيى لو جاك ولد بتخلصين منهم والله ماتخلصين لا يقولون جيبيله اخو ماعنده اخو وين اخوه وووووو الخ الناس مايمليي عينها الا التراب لا تعطينهم اكب ر من حجمهم ولا سلطة على حياااتك هذولا نعممممه وكنززز انا عندي بنت وحده ومتأخره فالحمل بعدها فالبدايه كنت اقول ابي ولد بس لما ذقت التأخير والحرمان خلااااص بس ابي احمل واولد وارضع زي باقي الحريم ماعاد صار يهمني ولد ولا بنت انتي احمدي الله ربي رزقك اياهم بدون عمليات انابيب ومنشطات وعلاجات وبلاااااوي رزقك اياهم بصحه وعافيه بدون امراض ولا اعاقات الحمدلله الحمدلله الحمدلله ياليتنا يصير همنا رضا الله مثل مايهمنا رضا الناس اللي راح يرضون عنك لا جاك ولد! صدقيني ان ربي ماكتبلك الا الخيره شوفي قصة هيلة العريني ولدين توأم وجابتهم ع كبر وعمرها 49 سنه متخيله فرحتها فيهم ؟ الله يعوضها بالجنه ايش انفعوها فيه ؟ ولااااا شي راحت لربي لا رااح ينفعونها اولاده ولا كلام الناس ماراح ينفعها الا عملها الصالح رحمها الله افرحي فبنتك وجهزيلها احلى لبس وجهزي لبناتك احلى غرفة ولا عاد تسمين نفسك الا ام الاميراااااات وسوي احسن استقبال لها واحسن توزيعات وسميها احسن اسم الناس اذا شافوا فرحتك فيها راح تعطينهم درس مايتدخلون فحياتك وانك مبسوطه باللي ربي رزقك اياه وان شالله بعدها ربي رزقك بالولد الصالح اذا فيه خير لك

اللي يربي 3 بنات واكثر ويحسن تربيتهم يدخل الجنه وانتي تبكين ماتبغينها تكون بنت ؟ كأنه ربي...