السلام عليكم ورحمة الله وبركاته
ياليت نفتح ملف للمعلمات والموظفات والمتقاعدات ويكون الموضوع عن التقاعد سلبياته وايجابيته

أنا أول يوم جلست فيه حاسة إني مخنوقة ماني قادرة أتنفس ودي أصيح مع إن الكل يبارك لي
بالرغم من إني ماأقدر على الوقفة وأسافر كل شهر ومرات قبل الشهر لحضور المواعيد
مديرتي الله يسعدها ويوفقها دائماً أدعو لها بالخير .
يمكن إني أتذكر زميلاتي وطالباتي والله إني اذاشفت بنات صغار بسن بنات أول أحس قلبي
يرفرف أتذكر الدفعات اللي درستها والحمد لله على كل حال .
يارب تشفينا وتعافينا ولاتحرمنا الأجر والمثوبة وتحبب لنا فعل الطاعات وتجنبنا الذنوب
والمعاصي وترزقنا الصبر والإحتساب ياكريم..

والله انك صادقة ياخت الماسه كل مانتهت اجازه وبدالتجهيز الى المدارس احس بخصه واتذكر اول يوم بعد الاجازه مع المدرسات لما كل واحده تقعد تسولف عن الاجازه وكيف قضتها مانام ووقف بالبلكونه واطالع الشارع يوم كنت رايح جايه والحين قاعده ومنطقة بالبيت وكل فتره تلاقين غصب عني البس عباتي واخذقهوتي واروح ازور المدرسه

حبيبتي أم الأولاد4 أنا مستعدة أسمع لك في أي وقت (ان شاء الله) وأشكرك على ثقتك فيني وأتمنى أكون عند حسن ظنك ومرة ثانية لا تحزنين على ما فات وفكري في المستقبل وحاولي تضيفين لنفسك وتستثمرين وقتك وتخدمين عيالك وتتفرغين لتربيتهم والله لا يضيع أجر من احسن عملا ودعواتي لك بالتوفيق،،،

أجرك بعيالك وزوجك وبيتك اختي
ومن ترك شيء لله عوضه الله خير منه
انا معلمه واتمنى لويكون التقاعد المبكر في 15 سنه يارب يخلونه 15 سنه ونرتاح ونشوف عيالنا اللي تركناهم عند هالخدم ماندري وش يسوون فيهم نحن محاسبون امام الله لوجاع الطفل اوعطش والشغاله ما اهتمت فيه وانا تاركته عندها ...
الله يغفر لنا خطايانا يارب