3 اسئلة ممكن أتجاوبوني عليها

أخواتي العزيزات أريد من كل وحده تدخل أتخبرنا التالي:

السؤال الأول : كم شخص معاج عالفطور في رمضان ؟

السؤال الثاني : موقف مضحك تعرضت له في رمضان الكل صايم وهي فاطرة ؟

السؤال الثالث : كيف تسدين يوعج وأنتي صايمة ؟


طبعاً أبدأ بنفسي :
1- نحن 15 شخص على الفطور وساعات 20 شخص ماشاء الله .

2- كل سنة موقف أخر موقف كنت شاله صحن عيش وجالسة وراء البيت أكل :D وبعد ما خلصت ارفع راسي أشوف أخوي يطالعني من الدريشة .طبعاً هذا موقف وااااحد من بين مليون موقف .

هذا موقف ثاني :
كانت فاطرة طبعاً دخلت المطبخ وخذت ولد أختي معايعشان إذا حد شافني يتحسبوني أكل الولد المهم شرب اللبن وكنت أكل السلطة دخل أبوي قال شو اتسوي قلت صديت عليه قلت له أكل راشد ولد أختي أشوف أبوي ابتسم ابتسامه مش طبيعيه وطلع المهم ما شكيت في شي وبعد ماخلصت دخت أغسل يدي أشوف عمري في المنظرة أتخيلوا .
شفت اللبن مسوي شغله على طول عرفت ليشش أبوي ابتسم

3- طول الوقت في المطبخ أطالعهم كيف يطبخون وفي الايام العادية ما أعرف لونه أو أكل الصغاريه مع أنه مش من طبعي أتعبل فيهم لكن الجوع كافر

يالله دوركم