أفكار لدرس المستطيل

سلام أختي غروب , والله خاطري أساعدج , لكني معلمة روضة , ولكن نصيحة دائما حاولي في الدرس أنك تأخذين المعلومة من الطالبات حتى توصلين الى مفهوم الدرس , وبعدين لا تنسين الأساليب الحديثة في التدريس مثل ( التعلم النشط , والتعلم التعاوني ) أنا أستخدمه مع أطفالي وهو جدا ممتع ومفيد .

تحياتي

هلا أختي نور الشمس 6
تسلمين على مرورك بس أنا كان نفسي القى مقدمه للدرس وللحين ماني لاقيه
وشكرا مره ثانيه على مرورك

هلا اختي عندي افكار بسيطة ممكن انها تفيدك ...
اول شيء راجعي الدرس الي قبل ومنه انتقلي للمستطيل ...
وطلعي مجسم المستطيل وسوي ثاني يكون مو متماسك وانتي وريهم كيف ان كل خطين مثل بعض وبعدين طلعي اشياء من البيئة تكون اشكالها مستطيلة مثل الدفتر مثلا او المقلمة او السبورة اذا كانت مستطيلة ....
وطبعا التطبيقات تكون في اشياء مستطيلة واشياء لا وهم يختارونها ... وطبعا يرسمون مستطيل
ويعني مثل كذا ...
اتمنى اني جبت شيء يفيدك

هلا فيك ام منوو
والله اعطيتيني اهم شي كان غايب عن بالي اني اربط بالواقع
وجزاك الله خير لانك ذكرتيني فيه

حبيبتي أنا مش معلمة لكن ممكن أفيدج

عندج الفصل أقرب مثال لأنه شكله مستطيل .. ممكن الأولاد يعدون البلاط عشا يعرفون إنه المستطيل مش مثل المربع ( كل ضلعين متقابلين متساويين ) أو ممكن تخلين الأولاد يركضون أو يمشون وطبعاً اللي بيمشي في الجهة الأطول بيوصل متأخر .. والأدراج عندج مستطيلة والكتاب والطابع المسطرة .. وأتمنى أمون أستفدتي