حبيبة قلبي ..اذا انت من الكويت
انا سويت التقشير الكريستالي قبل زواجي في صالون بالسالمية (لا فام) امتداد شارع الاشارات (شارع عمان) على طريق (محلات سناء) والصراحة ما سوالي شيء كثير .. يمكن حسب البشرة بس عندهم التقشير الاخضر (مستحضرات المانية) اذا ماني غلطانة اسألي عنه يمكن يفيدك اول ما طلع كان بـ 250 دينار بس الحين اكيد رخص وايد .. لأنهم هم وكيله بالشرق الاوسط نفس الصالون.
وأخذت علاج (مضاد حيوي) عند الدكتورة/ سحر غنام (جلدية) وكريمات ومشى الحال .. وتزوجت
وبعد الزواج كل شيء صار احسن الحمدلله .. يمكن نفسيا ..

سلامتك وتمنياتي لك بالشفاء العاجل ..

هلا والله زعفران الجنة

أي والله أنا من الكويت

أي أنا سامعة عن التقشير الأخضر بس ما أثق في الصالونات بصراحة

لأن التقشير يكون عند دكتور جلدية متخصص وايد أحسن

وعلى طاري الدكتورة سحر غنام بين فترة وفترة أشوف اسمها بالجريدة جنها انضمت لعيادة بالشعب ( ماني ذاكرة بالضبط )

والله في دكتور جلدية الله يذكره بالخير قال لي ان التقشير بالكريستال شغلة تجارية

بس أنا حبيت أسأل عنه وأشوف هل أحد استفاد منه ولا لأ

انتي قلتي لي انج سويتيه بصالون

تتوقعين الأجهزة نفسها اللي تكون عند الصالونات والأطباء ؟

يعني هالشغلة ما منها فايدة ؟!!

التقشير الكرستالي قالي مرة عنه دكتور انه لا تحسبين انه يروح بسرعة قالي لازم 20 أو 30 مرة بعدين تبين النتيجة..يقول مثل ما ترروحين الصالون توسن تقشير جذي التقشير بالكرستال..يحليله مع انه صاحب عيادة يسوي فيها التقشير بس لأنه صريح وأمين..

هلا والله mazeez

مشكورة على الرد

أنا بعد قالولي يبيله على الأقل 10 جلسات

الاحتمال الوارد اني بسويه