المدينه المنورة

بسم الله الرحمن الرحيم منتديا الغالي فكرة كثيرا قبل ان ارسل مشكلتي التي لم اجد لها حل  وهي زوجي الذي تغيرت معاملته لي دون سبب اصبح  وقح ونافر مني بدون سبب  معاملت اهله لي سيئه وكل ما اشتكيت له زعل مني والله اني اشتريت لبس العيد وافكر ماالبسه ما يستاهل طول اليوم وانا اشتغل في البيت عندي خمس اطفال وهوا وامه مااني ملحقه اخلص شي يجي غيرة وفوق كده طول اليوم يشتغل وهوا ماهوا فقير بس المهم يجيب فلوس لو قلت اعطيني مايرضى الا بطلوع الروح ويتمنن واخته الكبيرة متسلطه عليا كل يوم جيه هيا واطفالها وانا استقبلها وبعد ماتخرج انظف البيت يجي الليل وانا مهدود حيلي ويقلي انت مقصرةمعايا طيب ايش السبب مو منك ومن اهللك وبعد دا كله يبغى يعمر واشترى جمب اهلوا  والله اناماابغاه يسيب اهلوا يعني مو انانيه مني لكن شوفوا تصرفاتهم والله ليا خمسة عشرة سنه علا دا الحال وامني نفسي انو بكرة يعمر وانفك منهم والله مااتهنيت يوم معاه بسببهم وضعفوا قدامهم والله صار عندي اكتئاب وقيلون عصبي من القهر وقطعت صلتي بكل الناس حتى صاحباتي ماحقدر استقبلهم عشان هدا الوضع الله يفرج لها كل هم ومايجعل الحزن يدخل قلبها الي تساعدني باي راي يحل مشكلتي مااني قادرة اتحمل اكتر  نفسي في اي حل يخخفف عني الله يجزاكم خيرلاتقولولي اتفاهمي معاه ازا اتكلمت معاه انا اتعب ومااطلع بنتيجه غير اني انا الغلطانه