تعبونا المستأجرين

بصراااحه مدري وش اقول الله بلانا في مستاجرين بعمارتنا الله حسيبهم بس
بإختصار انا وزوجي عندنا عماره اشتغلنا فيها ورممناها والله بالدين والقروض وقلنا ان شالله من ايجاراتها نسدد اللي اقترضناه عشانها وتأجرت ولله الحمد
لككككككن للأسف المستاجرين للأسف طلعوا موقد العشم صراااحه يجيك الواحد مسوي الأدب والأخلاق والالتزام في البدايه وهو من جنبها والله العظيم انه زوجي قبل مايكتب العقد مع واحد فيهم يقوله الرجاء الالتزام بدفع الإيجار وبوقته لانه إحنا مديونين ولازم نسدد ويدقون الصدر ويقولون مالك الا طيبة الخاطر ...
وبعد ماسكنوا الإيجار يسلمونه دفعات ومقطعه وناقصه .... صرااااحه شي يقهر والاعذار اللي مالها نهايه غير الدرج والنظافه شي يجيب العمى عمرهم ماكلفوا على انفسهم يقطون من عشره ريال ويغسلونها وعيالهم قمه في القذاره طيب استحوا هذا بيتكم وواجهتكم لو زاركم ضيوف وش بيقولون ويجمعون كراكيبهم وأشياء خرده تحت الدرج منظرها مرررره سيء
حرام عليهم سلمناها لهم وكل شي فيها جديد ماخلينا شي ماسويناه لدرجة مابقي غير واجهتها ماقدرنا نكملها من كثر ماصرفنا عليها
قمه في الاستهتار وقلة الذوق
وآخر واحد فيهم اللي مطلع عيوننا والله يدق عليه زوجي من شهر عشان موعد الإيجار مايرد على جواله او مقفل و في النهار يشيل عياله ويشرد من البيت وآخر الليل يرجعون او يجلسون بالأيام هاجرين البيت ومره قابل زوجي في قهوه قام يتلثم عشان مايبغا زوجي يشوفه
زوجي يقول سويت نفسي ماشفته ماودي احرجه قدام أصحابه
وآخر شي لجأنا للشكوى عن طريق الاماره عن طريق عمله وش نسوي مع واحد مايستحي مثل هذا
واللي مايقد على الإيجار لايجي يمتحن الناس بعمره ويسكن حرام ومامعه مقدره يدفع يروح يدور له بيت على قدر استطاعته
وبسسسسسسس أخواتي كتبت من حر مافيني