مكياج ناااااااااااعم خفيف روعه روعه رووووعه

الف شكر

وعليكم السلام خيتووو

حتى انا ابغا اتعلمه

لاني صفر في المكياج ككل

احس اني مهرج لما اخلص من المكياج وفي الاخير امسحه

واكتفي بالكحل والروج



يالله يابنات حواء علمونا
وكل وحده تحط الي تعرفه
خلونا نكشخ قبل انتهاء الصيفيه


سلام لاحلى بنات بالدنيا

حبيباتي راح ادورر لكم من هنا وهنا واجيب لكم احلى لوكات ناعمه
وان شاء الله راح اشرحها لكم خطوه خطوه
اول شي راح احط لكم اللوكات اللي قدرت احصلها اليوم
هذا اللوك الاول :والطريقه هذي عامه على كل اللوكات اللي تحت
اول شي تحطين البيس او الكريم المرطب على حسب الرغبه
بعدين علشان تخلين اللوك حلو ورايق
تخلطين كريم الاضاءه مع الاساس حقك وتمدينه على كامل الوجه
بعدين تحطين البودره السايبه حتى تثبت لك الاساس وبعد ماتحطين الظل وتنظفين المنطقه اللي تحت العين تحطين البلاشر الطبيعي اللي الوانه بين الوردي والمشمشي بعدين تحطين بودرة الاضاءه على المناطق البارزه مثل عظمة الخد والانف والجبه اللي بين الحواجب وتحطين الروج بدون محدد لان موضته انتهت الا اذا كان نفس درجة الروج او القلوس بعدين بخي مثبت الميك اب
****************
ترسمين حواجبك كويس وتحطين الاضاءه حقتها وهنا نشوف انها ماده لون اصفر وحاطه درجه خفيفه منه وعلشان يكون فيه اضاءه حطي قبله بودرة الاضاءه بعدين غطيها باللون الصفر
شي خفيف مو ثقيلوحطي من الاصفر على الزاويه الداخليه وادمجيه على جوا وحطي بعده شدو اخضر خفييف وادمجيه بطلوع للون الاصفر حتى تختفي الحدوود اللي بينهم
بعدين حطي شدو فوشي تحت العين وعند الزاويه الخارجيه ادمجيه لحد مايدخل مع اللون الاخضروهذي اهم الخطوات بعدين حطي الماسكرا

********
نبداء بنفس الخطوات السابقه
نحط اضاءه تحت الحاجب لونها لؤلؤي بعدين نحط تحتها شدو ابيض ندمجهم مع بعض لحد ماتختفي الحدوود
بعدين على الجفن المتحرك نحط الشدو الاخضر وندمجه على فووق يعني سموكي
بعدين تحطين من اللون تحت العيين وتشبكينه من عند الزاويه الخارجيه بدمج خفيييف لا يكون ثقيل بعدين حطي الماسكرا

**********
بعد نفس الخطوات حطي تحت الحاجب اضاءه ورديه واذا ماعندك حطي اضاءه لؤلؤيه وبعدين حطي عليها لون وردي فاتتح بعدين وزعيها تحت الحاجب وعلى الجفن الثابت وحطي على الجفن المتحرك اللون الموف لغامق وادمجيه مع اللون الوردي على برا يعني تسحبين اللون على برا
وحطي الكحل فوق و تحت العين ومديه لحد ما يشبك مع الدمج الخفييف على برا بعدين حطي كحل اسود جوا العين وحطي الماسكرا

*******
بعد الخطوات المعتاده تحطين تحت الحاجب لون ترابي مع اللمعه الؤلؤيه وعلى الجفن المتحرك
بعدين تحطين شدو عشبي على الجفن الثابت وتدمجينه مع اللون الترابي وتحددين العين بالكحل من تحت وفوق وتسحبين اللون على برا بالدمج وتحطين كحل جوا العيين بعدين الماسكرا

************
بعد الخطوات الثابته اللي فوق احط تحت العين اضاءه بيضاء وبعدين احط على الجفن المتحرك لون عشبي وادمجه كويس واحط فوقه على الجفن الثابت لون وردي وادمجه مع اللون الابيض والعشبي
لحد ماتختفي الحدوود بينهم واحط على الزاويه الخارجيه للعين شوي وبلمسة الريشه شدو اسود
بس لايكون كثير واسحبه من برا على جوا بالدمج السريع حتى منتصف الجفن الثابت ويكون اللون خفييف مو ثقيل بعدين احدد العين بالكحل من فوق وتحت وجواالعين باللون الاسود بعدين احط الماسكرا

*********
بعد الخطوات الثابته نحط اضاءه تحت الحاجب لونها ابيض وعلى كامل الجفن المتحرك نحط لون وردي وندمجه بطلوووع على فوق لحد مانوصل للاضاءه حتى تختفي الحدوود بعدين نحدد العين من فوق بس ونحط جوا العين كحل اسود خفييف وبعدين نستخدم الماسكرا


موفقات حبيباتي
وان شاء الله الشرح يكون واضح واللي عندها اي استفسار انا جاهزه
بالتوفيق

فيه موضوع للاخت make up _artest
عن المكياج الصباحي
يعني المكياج الناعم الخفيف
يمكن تلقين فيه ضالتك
وبالتوفيق

لعيونكم رفع