السلام عليكم بنات ....مادري اذا هالحلا موجود في المنتدى بس انا تعلمته من وحده سعودية ومن يومها واحنا نسويه بكل عزيمه لانه ماياخذ اكثر من 5 دقايق ولذييييييييييييييييييييذ ما يقعد عندنا يوم إلا ويقضون عليه ومن بين كل الحلويات اللي نسويها يسئلون عن هذا بالذات...
المهم الحين ....
المقـــــــــــــــادير
بسكوت أولكر ...لازم أولكر مش نوع ثاني ....لانه أخف والسكر فيه أقل ....وما يضبط إلا فيه ....
2 اصبع زبدة ..كل وحده فيهم 113.5 جرام (ينباع جاهز)
هذي صورتها بس سامحوني ما عندي وحده كامله ...
1 علبة حليب نستله مركز
4/3 كوب جوز الهند ناعم
لوز مطحووووووووووون ناعم
المقادير تكفي لصينية فرن مثل هذي ...وصفيت فيها البسكوت علشان تعرفون حجمها ...6العرض بسكوتات والطول 3 ونص
الطريـــــــــــــــــقة
1. نصف طبقة واحده من البسكوت في الصينية
2. نسيح اصبع زبده حتى تذوب تماما ثم نسكبها فوق طبقة البسكوت بحيث كل بسكوت تكون عليه شوية زبدة
(ملاحظه اذا ما حصلتوا اصبع الزبده هذا وبغيتوا تستخدمون كمية زبده من عندكم لالالالا تكثرون الزبده واااايد يعني لا تغرقون البسكوت أهم شي كل بسكوته يكون عليها شوية زبدة ) يعني تقريبا كل بسكوته عليها ملعقة صغيره زبده سايحه ..وعادي لو شفتي اجزاء بسيطه من البسكوت ماعليها زبده ....
ان شاء الله فهمتوا ....
3. نصف الطبقة الثانيه من البسكوت مع ملاحظة ان الطبقة الثانيه تكون مصفوفة عكس الطبقة الاولى ....يعني اذا حطيتي الطبقة الاولى بالطول تحطين الثانيه بالعرض ....علشان يتماسك البسكوت لما نقطعه بعدين....
4. نكرر الخطوه 2 باصبع الزبدة الثانيه
5. نخلط الحليب المركز مع جوز الهند باستخدام ملعقة في قالب آخر ....ثم نسكب الخليط بالتساوي فوق البسكوت....
6.نرش الصينية باللوز المطحون بالتساوي
7. نحطها في الفرن من فوق لمدة دقيقة او حتى يتماسك الخليط اللي فوق....
ملاحظه : البعض يحب انه يتركها في الفرن حتى تحمر الطبقة اللي فوق ....بس انا أفضل اني اخليها حتى تتماسك وأطلعها بسرعه لاني احب الطبقة اللي فوق تكون طرييية
8. نحطها في الثلاجة مدة 3 ساعات او اكثر قبل التقديم
9. نقطعها مربعات صغيرة ونقدمها وبالهناء والعافية عليكم
بنوتـــة @bnot_7
محررة ذهبية
حلى بسكوت اولكر+الحليب المركز (بالصورة)خمس دقايق فقط والكل يسألج عنه
95
14K
يلزم عليك تسجيل الدخول أولًا لكتابة تعليق.
صدق صدق اختي عملتي مجهود يعطيك العافيه يا احلى بنوته بس عندي سؤال يعني نستهلك كمية الزبد كامل على البسكويت وبعد اذا تحمرت تيبس وبعد في التقطيع تتقطع بسهوله ولا ..؟
لان شكلها عندك وايد مرتب صار خاطري فيها لا يعوركم بطنكم بس هههههههههههه
لان شكلها عندك وايد مرتب صار خاطري فيها لا يعوركم بطنكم بس هههههههههههه
بنوتـــة
•
شكرا لمروركم خواتي ...
سحر القوافي هههههههه ضحكتيني والله ...
بالنسبه للزبده أيوه كلها سيحيها وكلها اسكبيها وتراها مش وايد يدوب كل بسكوته يكون عليها شوية زبده...
واذا تحمرت ايوه شويه تيبس الطبقة اللي فوق...هو على حسب كل ما احمرت اكثر كلما يبست اكثر ...
والتقطيع كلما خليتيها في الثلاجه اكثر كلما صار البسكوت ألين وتسهل عملية التقطيع...
وحياج الله ....
سحر القوافي هههههههه ضحكتيني والله ...
بالنسبه للزبده أيوه كلها سيحيها وكلها اسكبيها وتراها مش وايد يدوب كل بسكوته يكون عليها شوية زبده...
واذا تحمرت ايوه شويه تيبس الطبقة اللي فوق...هو على حسب كل ما احمرت اكثر كلما يبست اكثر ...
والتقطيع كلما خليتيها في الثلاجه اكثر كلما صار البسكوت ألين وتسهل عملية التقطيع...
وحياج الله ....
الصفحة الأخيرة
ما شاء الله عليج