زميلتي تحتاج الى نصائحكم

اذا هي ترضى خلقه ودينه تتزوجه.والله يوفقها.
ياليتها تسأل عن اخلاقه وشخصيته .قبل ماتفكر بعيد (اقصد الحمل) الحين خليها تتأكد الرجال مناسب والا لا . وتفكر بشهر العسل والرومانسيه وهالحركات بعدين تفكر باي شيء اخر يمكن هو مايبي عيال اكثر مماعنده .اذا مسأله الحمل مهمه لها ياليت تتاكد من رايه هو اول .
ما ادري ليش الكل مستعجل على الحمل لدرجه اني بديت اشك ايش اهم السعاده والا الحمل!!

مشكوره على الرد اختي shanar

البنت و اهلها كلهم موافقين عليه واكيد سألوا عنه وعن اخلاقه

والرجل كان متزوج وحاليا مطلق و لديه اولاد لا اعرف عددهم لم اسألها عنهم

لكنها هي تحب الاطفال وما عندها مشكله من هذي الناحيه

مشكلتها اللي مخلتنها متردده هي عمرها لانها تقول ان المرأه في الاربعين الحمل فيه خطوره عليها وان الاطفال ممكن يولدون بتشوهات

انا ما اعرف هذي المعلومه من وين يايبتنها لذلك عرضت مشكلتها عليكم بعد ان اسأذنتها في ذلك

هي الان تريد ان تعرف هل صحصح الحمل في مثل عمرها فيه مجازفه

وشكرا لكم

:32:

بصراحة ، الأطباء يحذرون من الحمل بعد الأربعين .. وبرغم تحذيراتهم ، أعرف حريم حملوا بعد الأربعين ، لكن الحين عيالهم ماشاءالله ، مافيهم إلا العافية ، والحريم مافيهم إلا العافية بعد ، ولا عانوا من أي صعوبات صحية غير متاعب الحمل الطبيعية ، مافرقت عن باقي ولاداتهم
:)

ياأختي تتوكل على الله

الحمل أمره بيد الله ليش التفكير بشي بعيد

أهم شي رجل يحصنها ويصونها والباقي تسلمه لله

وبعدين هي تدري تحمل ولا لا ..

والرجل عارف عمرها فاليش الخوف والتردد ..

تدعي الله التوفيق والخيره وتتوكل ..

الله يوفقها لما يحبه ويرضاه .

مشكورين عزيزاتي سويتي وام عصومي ودلوعه

كلامكم في محله وانا قلت لها نفس الكلام تقريبا

لكن ياريت لو وحده لها نفس تجربتها ترد علينا واذا

عندكم نصائح اكثر وادق بخصوص العمر و كيف تهيء نفسها و اذا تعرفون ادويه خاصه او مقويات تفيد حالتها

لانها وايد خايفه من الموضوع