wed 2005 اهلا بيكى وبالنسبة لطرق الخضار وتفريزة فية وصفات تانية فى الجزء السابق ودة تكمله ولو انتى عندك اى سؤال عن نوع معين قولية وانا افيدك على طول
ام العلاء دايما لما بتيجى الصفحة بتلعلط بحاجاتك الجميلة وكل عام وانتم بخير

صباح الجمال على كل حواء فى عالم حواء
أزيكم جميعا من غير ذكر أسماء علشان أنا بحبكم كلكم
أزيك يادندون تسلمى دايما أنتى وأفكارك الجميله والله كل ما أفكر فى حاجة أشاركم بيها ألاقيكم ما شاء الله كتبتوها
على فكره يانودى انا بعمل على طول العرقصوص فى مضان لو مشربتهوش أتعب بس أنا بحطه فى قطعة شاش نظيفة قبل ما أحطه فى المياه علشان بيتعبنيش فى التصفيه

أم أبيها ايه رأيك لو جرتى فطيرة الجبنة بتبقى خفيفة وجميله وسريعة على العشا ياترى حد كتبها ولا لأ

ممكن يادندون أكتب طريقتى

المقادير:
الفطيرة:
1، 1/2 كوب دقيق
ذرة ملح
م/ص بيكنج بودر
3 م/ك زيت ذره أو سمن حسب الرغبة (انا أفضل الزيت)
حوالى 1/2 كوب ماء

الحشو:
3 بيضات
1 كوب زبادى
1/4 كيلو جبنه بيضاء ملح متوسط
2 م/ك قشطة (وش اللبن)
(بيفى أو سجق اسكندرانى أو لحمه مفرومه أو بسطرمه ...... المتوفر لديكى وممكن عدم وضع أى لحوم) فلفل أخضر أو ألوان حسب المتوفر وزيتون أخضر (سبانخ مشوحه حسب الرغبه)

الطريقه
يتم أضافة الدقيق والملح والبيكنج بودر فى طبق ثم وضع الزيت ويفرك باليد حتى يختفى الزيت مع الدقيق تماما ثم يتم إضافة الماء تدريجياً حتى تتكون عجينة
تدهن صينيه بيتزا بالزيت وتدهن اليد بالزيت حتى لا تلتصق بالعجين وتفرد العجينة بالصينية ويرص فوق العجينة اللحوم المستخدمة إن وجد والفلفل والزيتون والسبانخ إن وجدت أيضا

يتم ضرب البيض والجبنة والزبادى والقشطه فى الخلاط وإضافة قليل من الملح والفلفل ثم صب الخليط على الصينية ثم يتم إدخالها فى فرن متوسط الحرارة حتى تحمر وبالهنااااااااااااااا والشفااااااااااااااااااااااااا

صباح الخير عليكم جميعا
وكل سنة وانتى طيبة يا mooty
ام ياسمين ايه الحاجات الحلوة دى على فكرة انا كمان ام ياسمين و بنقولها سمسم

صباح الخييييييييييير عليكوا كلكوا ،، وحشتونى موووووووووووووووووووووت

وانتى طيبة يا دندونة ياللى فاكرانى ,.,, عقبال ما تشوفى سلمة يا رب..


معلش على اختفاء امبارح بس انا اصلى اسستاذنت من الشغل ومشيييت على طول..

انا جيت اهو ،،

على فكرة بالنسبة للتلخيص فهو كلة خلص الحمد لله ناقصة بس الايس كريم ,,
وها تنزلة دون ان شاء الله sooooooooooooooooooooon>


سمسمة
وانتى طيبة حبيبتى..

صباح الخير لكم كلكم بدون ذكر اسماء علشان انتم ما شاء الله كثير وخايفة حد يزعل

دينا

ربنا يكرمك يا رب وصلتني الطريقة وان شاء الله اجربها

أم ياسمين

ربنا يخلي لك ياسمين، ان شاء الله لو جبت بنوتة هاسميها ياسمين ونبقى احنا الاثنين ام ياسمنتين

ان شاء الله اجرب الطريقة