الحمد الله ربي ستررر والقانون لا يحمل مغفلين صدق اللي قال هذا المثل :D

السلام عليكم ورحمة الله وبركاته
الحمد الله ربي ستررر وما تكرر الموضوع
السالفه ومافيها يا اخوات تذكرون ازمة الاثيوبيين اللي صارت العام
اخو زوجي الله يهديه قال الواحد من عماله (من جنسية عربية) يسحب فلوس كاش من البنك
طبعا راح العامل وسحب الفلوس والمبلغ جامد لكن الله يعوضه
طلع من البنك جو ثنين من الجنسية الاثيوبية سرقو الشنطه وهربو كله هذا طلع في شريط الفديو حق البنك
حتى مدير البنك يقول هذي القصص صارت تكرر عندنا دايم
<< والخبر برضوه اعلنته سبق وحذرت الناس من لصوص البنوك :35:
طبعا رحنا للشرطه والموضوع واضح الملام الاول والاخير اهمال اخو زوجي
حتى الشرطي قال فيه ناس الى الان تسحب كاش ياخي حولها على حسابك ولا وبعد فوقها
مخلي عاملك هو اللي يسحبها !يمكن متفق العامل بينهم حتى يحصل نسبه من الفلوس لكن مافيه دليل والاثيوبيين شوفت عينك نحاول بس
نجمع اكبر قدر منهم ونسفرهم نبي نخلي البلد منهم ومن بلاويهم
اطلب العوض من الله واذا حصلنا شئ بندق عليك والى الان ما دقو الله يعوضنا : D
المهم
اليوم وقبل ساعه تحديدا زوجي بيسحب فلوس ولا وبعد يقول بسحبها كاش :icon8:
بغيت انا انجن يارجال انتبه على نفسك حولها على حسابك اتعظ من حركة اخوك العام
قال لا انا علي جاكيت ماراح يوضح شئ < شكله وراثه بينهم :crap:
طبعا على اخر لحظه زوجي يقول وانا بالبنك غيرت رايي سبحان الله وحولتها لحسابي
وطلعت من البنك واركب سيارتي الا واحد يدق الدريشه علي
يقول زوجي من شكله عرفت ان وراه بلاء بس سويت نفسي اني على نياتي حتى مايشك وافتح الدريشه امر اخوي وش بغيت ؟
ويقوم يسال يقول انا ادور على محل البريد هنا وما اعرف مكان بالضبط تعرف وينه؟< يقول زوجي هو يقول هذا الكلام وعيونه مو علي عيونه تبحث وتلف على داخل السياره وعلى مخابيي مثل اللي يبحث على شئ ضايع منه يبي يعرف معي فلوس او لا
الحمد الله ربي سلمنا
ونصيحه ومايستفاد من هذا كله
انصحو اهلكم رجالكم اخوانكم لا احد يسحب قروشه كاش الحمد الله الخيارات واجد غير الكاش:hmh: