تذكرت موقف هههههههههههههههه

الموقف هذا من زمان قبل لا اتزوج قبل اربع سنين يمكن

كان زواج اخو زوجي المهم عمتي ما تحب تحط شي على شعرها تخاف عليه وكذا لو تموت ماتحط شي وكانت سادلته بشكله الطبيعي يعني شعرها عادي مو خشن لكن في تمويج خفيف
وقتها كنت انا والبنات في الغرفه وانا معي الاستشوار استشور البنات الصغار ودخلت علينا عمتي وهي تقول هاه ماخلصتوا للحين ؟؟

عاد بناتها قالوا لها يمه تكفين تعالي بنستشور لك شعرك والله بيطلع حلو ويجنن ومن هالكلام يحاولون يقنعونها 😂

بعد جهد قالت انا ما اثق فيكم اخاف تحرقون لي شعري تقصد بناتها
بس خلاص ابي فلانه تستشوره لي تقصدني انا
وياويلك لو يحترق شعري تراني وثقت فيك وتهديدات وكلام كثير 😂

المهم جلست ع الكرسي وبديت استشور شعرها عاد تعرفون لازم يطلع دخان من الشعر هي شافت الدخان وبغت تجن 😳 وش هذا احرقتي شعري حسبي الله عليك كله منك يافلانه تقصد بنتها عاد حنا كلنا متسدحين من الضحك عليها هههههههه
والحمدلله بعد جهد جهيد كملنا الباقي واعجبها شعرها واول ما خلص الزواج راحت تتروش ع طول تقول اخاف يضره الاستشور😂

بعد قلبي هي الله يطول في عمرها ..

مشكلة حماتي انا بنروح عندها انا وسلفتي وبنشتغل لها وبنهلك من الشغل وازا قعدت هي ووحدة من النسوان بتحكيلها كنايني بحين علي بﻻقيني مخلصة كل الشغل ويتخلينا نشهد وبتقول هي كنتي اسأليها

ههه بتخلينا نشهد عحالنا
شريرة حماتي ;-)

فووووووووووووووووووووق

ههههههههههههههههههه ضحكت ع مواقفكم
يمكن انا اكثر وحدة احب ام زوجي واحترمها وهي كمان تحبني
وهي ع نياتها واللي بقلبها ع لسانها ودايم تفشلني بس والله اضحك معاها ووماعمري زعلت منها..
مرة كان عندي ضيوف وكلمتها تجي ووقت العشا قلت للمعازيم اللي وراها احد تاخذ له عشا لما قاموا الحريم قالت لهم لاتاخذون عشاء بقدور كبوه بالسفر عشان ارواج تقول مايرجعون المواعين
عيوني طارت بالسقف بس ضحكت وسكت ماحبيت افشلها

ذكرتيني , رمضان اللي فات رحنا الديره عند أهل زوجي وعاد انا ديني و دين الديره ذي ، اخاف منها ومن الحشرات اللي فيهآ ماحبهآ ابد آمشي ع رؤوس اصابعي هههههه وطبعاً هم عندهم عماره و انا و زوجي لما نجيهم لنا شقه تحت ننام فيهآ .. الزبده كنت كاشخه ذاك اليوم و جالسه مع أم زوجي و أبوه بالصاله و خواته يجهزون القهوه و القدايم بالمطبخ ، و قتها كنت زعلانه من زوجي عشان سالفة سارت بالليل ، ماعلينا ~ المهم انا رسميه مع امه و ابوه ومحترمتهم كثير و استحي من ابوه مرآ مرآ .. و يجي زوجي يبي يستظرف معي شوي و يصالحني بنفس الوقت .. ويدخل و يحط ع صدري ( جرادة ) وكبيره تخرّع .. انا عمري مالمست جراد و لا صرصار 😭 .. طبعاً جتني حاله ماهي طبيعيه قمت إناقز و أصييييح و أبكي و أنادي ( ماما ي ماما ) و اتشعبك ب زوجي و أبككككي و هو يقول خلاص خلاص شلتها والله ويجون اخواته يقولون رميناها خلاص آهدي يابنت , و آفششششششلة من ابوه 😂💔 يطالعوني هذي من وين جايه ؟ عاد ابوه ياكل الجرراد بعد ههههه ..
قمت جلست و منكسه راسي من الفشله ودموعي و أشاهق كني بزر ، و اعطي زوجي ذيك النظرات اللي هين ، و يوم حطوا القهوه ماقدرت .. اهذت شنطتي و جريت نزلت شقتي و انا ابتسي متفشله و متقرفه بنفس الوقت < كني بمسلسل كويتي ,
ويجي زوجي ينزل ويراضيني ويقول احسبك عادي ماتخافين ، وانا اقول له لك وجه تمزح معي بعد امس !! وقام يعتذر وانا صامله قلت له اطلع برا خليني بنام وقال طيب , ويوم جا السحور .. قدني نمت بالشقه ، و يوم صحيت نادوني للفطور , وجلسوا يقولون لي خواته : والله أمنا أمس ماتحسرت معنا ونامت و هي زعلانه بسبب زوجك ، طول ما انتي تحت وهي تهاوشه وتقول عليا عنها الضعيّفه نامت وهي ماتسحرت 😂💔 ،. يا زينها