قصة ولادتيـ معجزة الخالقـ فيها,,,,,, ادعوا لولدي

في يوم الجمعة الساعة ال5 صباحا في المستشفى منومة علشان موية الجنين قلت اعطوني تحاميل طلق صناعي .... ماتوجع عاااااادي ...
أمي : خذي هذي التمرة
أنا: امي ماني قادرة ... خلاص بس 3
أمي : لا والله إنها 7 وتر
أنا : اااااااااااه خلاص
طبعا ماعندي الآم ولادة ولا حاسة بشيء:27:

وأنا بالتمرة الرابعة حسيت بسومة اااااااه امي بستفرغ
استفرغت وانتوا بكرامة....
حسيت الآم شديدة حيل كان طلق
الممرضة كانت عندي بالغرفة...
تسطحت قالت مفتوح 4سم يالله ولاده
عاد انا اخترعت حيل
يطلع مني مويه ودم
جلست على الكرسي وعلى غرفة الولادة الآم الله لا يوريكم....
يادوب جلست على كرسي الولادة
قالت الممرضة لاتدفعي الراس طالع
وقامت وبالمقص وتجرحني
الممرضة : ادفعي
أنا : استغفر وادفع
طلع راس الولد شفته استانست حيل:39:
خفت الألام الحمدلله
وخرج والحبل السري ملتف حول رقبة ولدي
لفوه وبسرعة راحوا فيه
ولادتي ما أخذت اكثر من 10 دقايق
طبعا الكل استغرب بكريه وما طولت
لكن هذا بفضل ربي ثم دعاء امي والإستغفار
انا ارتحت خيطوني وانا فرحانه
ابي ابشر مامي اللي كثير دعت لي
وزوجي اللي مخترع علشاني:arb:
واهلي اللي خايفين علي
واهل زوجي واصحابي والناس
.
.
.
لكن ........فجأة
.
.
دخلت غرفة التنويم قابلت ماما
أمي :مبروك جاك ولد شفته زي القمر
أنا : يبارك فيك يالغالية لكن حاسه ان امي فيهاشيء تخبي عني
جارتي بالغرفة: يووووه ولدك يهبل الله يخليه لك
أنا : تسلمي حيااااااااتي
جلست على السرير وأخذت الجوال وارسلت لكل القائمة اني ولدت
دخلت الممرضة تعرفني...
الممرضة: كيفك مدام ان شاء الله كويسة
أنا: تمام
أنا : كيف بيبي
الممرضة : هو في العناية ان شاء الله كويس
،،،،،،،،،،،،،،،،،،،،،،،،،،،،،،،،،،،،،،،،،،،،
أنا انفجعت دموعي بعيني وش السالفة
ليه
كيف
ولدي وش فيه
اااااااااااه
طالعت امي
امي: مافي شي لا تخافي
انا: ياأمي قولي انا باموت
أمي: بس يقولوا ضيق بالتنفس وصوت بالقلب
شنو ............. أنا
ماني قادره الأرض ماعاد تحملني
9 شهور وحم تعب ... اااااه
الحمدلله على كل حال
جاء زوجي وابوي
كنت ابكي بصمت
وش بلا حمودي ليه تعبان
عاد خذي بالكلام ماأحد يقول الحقيقة
جلست يوم كامل
كل اللي ولدوا جاهم اولادهم جنبهم إلا انا
حزينه وابكي بصمت
اليوم الثاني كتبوا لي خرووووووووووج
جاء زوجي قالي بنحوله التخصصي بالرياض الدكاتره يقولوا حالته غريبه وصعبة
ما أستفسرت لأن ماأحد يبي يقولي خايفين علي مع اني راضيه بللي كاتبه ربي لي
قلت ابي اشوف حمودي
قال بابا وزوجي اوكي تعالي
رحت العناية لبسوني لبس معقم بعد ماتأكدوا اني امه بالورقة اللي بيدي
دخلت شفت اللمرضة تشيله
انا ماشفته زين دموعي في عيني
بس اذكر مواصير على انفه غذايات براسه شعره حلقوا نصه:44:
حاله يكسر الخاطر كان وزنه 2 كيلو و200 جرام


لبست خرجت من المستشفى......... اهلي مجهزلي سرير النفاس وكل شيء
اهلي استقبلوني بكل حزن....:44:
نمت نومه كلها يأس حزن .....
استقبلت حالت ولدي مستشفى الأمير سلطان لأمراض القلب بالرياض...
الحاله ///غريــــــــــــــــــــــــــــــــبة///
عند الطفل الرتجاع في الشريان الموصل من القلب الى الرئه بعيب خلقي...
الدكتور: سأل زوجي بينكم قرابة قال لا واستغرب
عاد لوما الله ثم الأكسجين بالمستشفى ماعاش ولدي

طيب وش الغريب ::: ان حمودي كيف عاش ببطني 9شهور
وهذا الشريان غير موصل بين القلب والرئة
عااااااااااااد الزبدة
حمودي معاااااااااااي الآن
كيف؟؟؟؟؟؟؟؟؟؟
لما راح الرياض بطائرة الإخلاء الطبي
بالأجهزة والمغذيات
هناك بالرياض شالوا عنه الأجهزه ولاقوه
يتنفس طبيعي جدا
الدكتور : خذوا ولدكم وأرقوه ماعنده إلا العافية ان شاء الله
.............................................................................
هذه قصة حموووووووووووووووودي الذي يبلغ الآن من العمر 4 اشهر
دعواتكم له عنده موعد بالرياض 4/ 11 فيها يقرر الأطباء
هل تحسن وإلا يسون له عمليه........
الله يشفيك ياحمود ويجعلك من عباده الصالحين البارين
امين يارب العالمين.....