الله يهديك انتي بأول التاسع وسوت لك تحريض ليش مستعجله تره الجنين يحتاج وقت عشان تتكون الرئه تتكون في الشهر التاسع

انا بولدي سويت تحريض وبعد يومين ونص دهنت ظهري وبطني واخر ظهري
( بزيت زيتون مع جوزة الطيب مجروش ) ودفيت الخليط بالمكرويف شوي ودهنت
ونمت وبعد 3 ساعات بداء الطلق معايا وبعدين قعدت 5 ساعات و ولدت
لكن ولدت قيصري بسبب ضعف نبض الجنين بسبب ( قصر الحبل السري + التف الحبل عالرقبه )

أشكر كل اللي ردو على موضوعي
أنا قبل كذا كتبت لكم انه ابي شي يفتح الرحم لأنه تعبت من الآلام الغير محتمله وفوق هذا نفسيتي كانت تعبانه حملي هذا غير عن اللي قبل
سويت كل شي ومافاد..
أخر شي توكلت على الله وطلبت الدكتوره تسوي لي تحريض وقالت انتبهي لاتصرخي وبصراحه كان ألم محتمل الحمدالله توقعت بيكون أشد من كذا بالعكس ماصرخت وكان عادي نفس القياس..
ومن بعدها وفي دم أعزكم الله رحت مشيت ونزل دم شوي والأن أنتظر الفرج من ربي فيه ألم بظهري وشد آخر البطن بس محتمل..
بإذن الله إذا قمت بالسلامه انا والنونو راح اكتب لكم عن تجربتي..
بس الله يسعدكم ادعولي انه الله يسهلها لي وأطلع انا والنونو بالسلامه
وبإذن الله بدعي لكل وحده ردت على موضوعي

الله يسهل عليك وتولدي بالسلامه وتشوفي مولودك معافى وسليم بحضنك
ادعي لي ان الله يرزقني بالولد الذكر المعافى ، ارجو أخ لولدي عاجلا غير آجل يا رب العالمين

الله يهون عليك يارب انا توي بأول الثامن 
ومن الحين أتمنى أولد اول التاسع أن شاءالله
أخطط شنو راح اسوي علشان أولد بس 😢😢
الله يسهلها علينا يارب