مشكله جدا جدا جدا محرجه واجهتها مع زوجي الاول والثاني ساعدوني الله يوفقكم/قديم

مسالخير


بنات انا من قلب نفسيتي تعبانه


انا كنت مطلقه وكنت اواجه مشكله مع زوجي الاول

مشكلتي اهيا رائحة النفس الكريهه


بنات من وانا صغيره امي كانت تهاوشني



ؤفففففففففف روحي فرشي اسنانك

وكنت اتضايق

كنت صغيره وماعرف السبب

بس مشكلة هالمشكله انها ماتصير الا احيانا يعني مو على طول


المهم عقب شهر من زواجي الاولاني راح يتشكى الاخ الله لا يسامحه عند امه يقول فيها وفيها وفيها ومن بين الكلام قال انها ماتفرش اسنانها وامه ما قصرت فضحتني فضيحه الكل قعد يقول لا حراااااام بنت الناس ماشمينا فيها شي واللي يقول مادري واللي واللي

مع انه مشكلتي مو مع التفريش انا مشكلتي اكبر وما اعرف سببها ولا احس فيها

صارت مشاكل كثيره بعد وتطلقنا


دعيت ربي اني اتخلص من هالمشكله رحت وفحصت على اسناني وظبطت اذا فيه سوسه ولا شي وسويت تنظيف اسنان بمبلغ وقدره وسويت حشوات تجميليه وسويت تبييض لاسناني ودعيت ربي انه محد يشم فيني ريحه مو حلوووووووه


المهم

جاني نصيبي الثاني والحمدلله تزوجت وتميت 3 شهور معاه

وبالموت بالموت اعترف انه يعاني من المشكله اللي فيني انا هنا مت مت مت من القهر لانه على بالي تخلصت من المشكله


بناااااااااااااااااااااااااااااااااااااااااات انا ما احس بشي نهائيا


تدرون شنو يقول


يقول لو ما اشوفج تروحين تنظفين اسنانج جدامي وتستخدمين غسول جان قلت هاذي ماتفرش

بس انتي مشكلتج اقعد معاج اوك اوك اوك عقب ساعتين ثلاث اشم ريحه قويه فواحه


بنات شوفو الوصف


الله لا يبلاكم

الله لا يبلى احد يقرا موضوعي

ابي اروح المستشفى بس جربتهم ماحلو مشكلتي نهائيا يعطوني غسول ونصايح انا ملتزمه فيها

بنات هذا وانا كل شوي افرش


نفسيتي تعبت

صرت ما احب اجالس الناس بقرب



الله يحل مشكلتي


بنات ساعدوني وين ممكن اروح منو اراجع غير دكتور الاسنان




وشكرا