السلام عليكم ورحمة الله
أخواتي انا من المتابعات لهالقسم وياما استفدت لما كنت حامل ببكري
وربي اكرمني وحملت بتوأم وطرت من الفرحه وكنت اتابع في هالقسم واستفدت برضوا
طبعا راح أحكي لكم ولادتي اللي جت فجأه وراح يتخلل القصه اخطاء مني و طبعا انا ما اعترض
الحمدلله على فضله وكرمه لكن احب انبهكم لأن الحمل بتوأم غييييييير عن الحمل العادي
انا كنت اراجع بمستوصف حكومي والطبيبه طمنتني على حالتي لكن كنت اكره فيها انها تقولي احسن اولدي قيصري
وانه التوأم ما ينولدون الا بقيصري و انا خلاص تبرمجت اني راح أولد قيصري
شي ثاني انها مفروض بما أني حامل بتوأم احتمال الولاده المبكره وارد وهي ولا جابت خبر
والمفروض انها اعطتني ابرة حقت الرئه الله يهديها بس
طبعا أخر موعد كان قبل شهر من ولادتي وكنتب بأول السادس ما سوت سونار بس سمعت النبض وتحليل سكر
وقالت كل شي اوكي
انا طبعا اعترف اني اجهد نفسي كثييييييير بالشغل في البيت وبرا البيت امشي لأني كنت اقول حمدلله وضعي كويس وهذا اكبر غلللللللط لازم الراحه يا اخواتي خاصه الحمل بتوأم
المهم في يوم العيد صار خلاف بيني وبين زوجي ووالله وهو يهاوش حسيت بمغص بسيييييييط
وهذا شي غلط النفسيه اهم شي ابعدي عن اي مشاكل لان والله العالم سبب ولادتي المبكره هو ضيقة الصدر
طبعا ما تعيدت وتنكدت وجلست ثاني وثالث العيد بالبيت وبس ابكي وكارهه كل شي حولي
و حسيت بآلام بكل جسمي وظهري خاصه فطلبت من زوجي نروح لمستوصف خاص عشان اشيك وانا مستبعده
اني راح اولد ,,,
رحنا لمستوصفين وكلهم مافيه طبيبه نساء وولاده لانها ايام عيد فعرض علي زوجي نروح لمستشفى كبير
رفضت وفضلت ارجع البيت رجعنا وتهاوشت معاه وطلعت كل اللي بقلبي لاني شايله عليييييه
طلع وانا صليت العشا ونمت وصحيت على صوت بنتي تبي تاكل وماالومها كل الايام وانا طايحه بفراشي
قمت وجبت خفايف نتعشى انا وهي وفجأه والذي لا اله الا هو يجيني مغص احس شي بيطلع مني
و اقوم واروح الحمام تكرمون واشوف شي بني نازل مني عرفت اني راح اولد وش اسوي صرت ابكي واتصل على زوجي يجي ونطير على المستشفى وعلى طول يدخلوني الطوارئ وتسالني الطبيبه تقول انتي شاربه قرفه وش مسويه لاني وااااااااصل والطلق حاااااااامي احس باموت
المهم عطتني ابرة قالت لو ما ولدتي ان شاء الله تفيد البيبيات لاني باول السابع المهم وتطلب من الممرضات ينقلوني لغرفة الولاده و يركبون جهاز الطلق وانا اتلوى ويهاوشوني لا تنقلبين خليك على ظهرك ويالله يجلسون يسألوني عن رقمي و عن عدد مرات الحمل و ...........
وانا مررررررررره في عز الألم و كل شوي الطبيبه تشيك علي من تحت واقول الراس تشوفينه تقول لاااااا
الممرضه مرررررره طيوبه ما تبيني اولد ودها أتأخر اما الطبيبه لا مررررره مستعجله وكل شي تقول اذا حسيتي انك تبغي تدفعي قولي لي وانا اقول اوكي
المهم و راحت ساعتين وانا اطلق واحس جسمي تعب مافيني حيل خلاااااااص قلت ابي ادفع تعالوا
و نقلوني لغرفة ثانيه وقالوا راح نفتح المويه لانها م انفتحت وفتحوها ويالله ادفعي وتطلع روحي وانا ادفع
لين طلع الاول ولا صوت ولاشي يا قلبي عليه مرررررررره مالها طعم
والثاني راسه فوق ولما جيت ادفع ويصرخون لااااااا لا تدفعين وقاموا سحبوه وبعدها المشيمه و بعدها ولاول مره
قاموا ودخلوا يدهم ينظفون ما ادري يتأكدون بغيت اموت واصرررررررررخ خلااااااص حرام عليكم
بعدها جو حقين العنايه بالخدج وجالسين حواليهم والممرضات عندي ينظفوني ويسألوني كيفك
وانا غطيت وجهي وجلست ابكي لما شفتهم لانهم صغاااااااااااااااار زي اللعبه
وتجي طبيبة الخدج وتطمني وتقولي وكلي امرك لله وما ادري ايش بعدها طلعوني للغرفه اللي كنت اطلق فيها مره ثانيه و جلست فيها ثلاث ساعات وكل شي يقولون كويس ماما قلت ايه بس طلعوني منها
لما اذن الفجر طلعوني للجناح وحمدلله حسيت نفسيتي تحسنت وبعدها جوني الاهل وانبسطت ونسيت كل شي
اللي ابيه اخواتي انكم ما تقعون باخطائي وانتبهوا لنفسياتكم
وثاني شي دعواتكم ربي يخليهم لي ويقر عيني بشوفتهم بكامل صحتهم
ثالث شي عندي سؤال انا ما وسعوا لي ولا شي بس انا من ولادتي الاولى حاسه خياطتي مو كويسه وكنت مخططه على هالولاده اضبط نفسي بس قدر الله وماشاء فعل فهل يصلح اسوي خياطه طالما اني نفاس
وجالسه الاربعين عند اهلي؟؟؟ انا ناويه اروح لمنى الريس في الشبلان فياليت لو تردون علي
وسلامتكم:26:
Bnt Sudeer @bnt_sudeer
محررة برونزية
يلزم عليك تسجيل الدخول أولًا لكتابة تعليق.
zamza_kamal
•
الحمدلله على سلامتك وسلامه عيالك وان شاء الله تشوفيهم بكامل صحتهم
الله يجزاكم خيييييييير حبيباتي وربي يرزق كل من تتمنى والله اني دعيت لكل من تتمنى الحمل
وانا اطلق انرررررررررحم ما نسيتكم والله
بس بليز احد يجاوبني عن الخياطه
وانا اطلق انرررررررررحم ما نسيتكم والله
بس بليز احد يجاوبني عن الخياطه
الصفحة الأخيرة